أسيرة في موطنك (مكتملة)

البارت التاسع و العشرون

مساء الخير احبتي
اتمنى لكم قراءه ممتعه ❤

بقلم: زهراء البياتي

وحده تبجي و الثانيه تعيط عليها و تكمز
زهراء..اوكفن ماما بس اسكتن خلي اكتب البارت
العفو حبايبي حبيت اعبرلكم معاناتي اني و بناتي من اكتب البارت😔💔.

يلا اعوفكم ويا البارت.

...

ريم..مفتحت عيوني و هو مد ايده و جرني من خصري
و كلبني خلاني انام ع صدره و هو نام ع ضهره
حمزه..نامي هنا.. مكانج بكلبي من اليوم.

فتحت عيني و احس روحي اني مو بالواقع اني بشي خيالي..كلبي ديطير بين الغيوم و فراشات بطني.
و صوت نبضات كلبه داسمعهن بأذني..و ايده المحاوطتني بقوه. اخذت نفس و رجعت غمضت عيوني براحه. اول مره انام و اني حاسه بالأمان.

ثاني يوم.. فتحت عيوني على كيف..و رجعت غمضتهم و نمت ع ضهري و كمت امط بجسمي براحه.. جريت نفس و فتحت عيوني باوعت حمزه ماكو.
رجعت رفعت راسي ع ساعه بال وحده الضهر.

عدلت كعدتي و لزمت راسي..هاي اني شكد نايمه
اثاوبت و نزلت رجلي من الجربايه و اذكرت بارحه حمزه من حضني..دنكت و ابتسمت ويا نفسي.
بس فزيت ع صفنتي على صوت الجرس.

استغربت منو يجي بالوحده الضهر.
كمت و طلعت من الغرفه..رحت للحمام..غسلت وجهي و فرشت اسناني..و شعري سويته ضفيره..و عكدت حواجبي بس سمعت صوت ماما؟!
اي والله هذا صوتها.

شمرت الضفيره وره ضهري..و رحت نزلت جوه
دخلت للاستقبال و شفتها كاعده و دتحجي ويا خاله صبا المعاجبها جيتها ابد و تبتسم بوجها ابتسامه مجامله فقط.
حليمه..يمه حبيبتي ريومه..كامت و اتقربت مني
حضنتني و باستني..وخرت و باوعت بوجهي
شو متسألين على امج
ريم..جانت عندي امتحانات
حليمه..اي بس صارلج كم يوم مخلصه جان مريتي سألتي عليه لو الا اني اجي

خاله صبا قاطعتنا و هيه تكول
صبا..اني حروح اشوف الغده
حليمه..شوي و اجي اساعدج
هزت راسها خاله صبا و مبين عليها كارهه وجود ماما.
طلعت من الاستقبال و ماما بسرعه كرصتني من زندي و حجت بصوت ناصي
حليمه..شبيها هاي كالبه خلقتها؟!

صفنت معرفت شجاوب
حليمه..صاير شي
ريم..لا بس هيج يمكن هيه ضايجه
حليمه..يمه تره اني امج احجيلي شكو شصاير
كلبت عيوني
ريم..ماكو شي ماما
حليمه..لا اكو تعاي فوك سولفيلي
جرتني من ايدي و اني غمضت عيوني بصبر

صعدتني الدرج و حجت بصوت عالي
حليمه..خيتي صبا شوي و جايتج بين ما اسولف ويا ريمه عندي وياهه كم موضوع
خاله صبا عاطت من المطبخ
صبا..اي اخذي راحتج

صعدنا فوك و دخلنا بغرفه خاله صبا
حليمه..تعاي اكعدي شكو شبيج شصاير
جريت نفس و رحت كعدت ع جربايه و باوعت عليها متخصره و تباوع عليه
ريم..ماكو شي بس خاله صبا رادت تخلي حمزه يطلكني حته اتزوج واحد ابن صديقتها و حمزه مقبل و تعارك ويا امه و هسه خاله صبا كالبه وجهه عليه عبالها اني لاعبه بعقله او خالته يحبني.
فتحت حلكها بصدكه
حليمه..شوف شوف شوف صبيه ام الخلاجين