أسيرة في موطنك (مكتملة)

البارت السادس و الخمسون

مساء الخير احبتي
اتمنى لكم قراءه ممتعه ❤

بقلم: زهراء البياتي

قاسم..و صدكيني اول مره بحياتي..هلكد اخاف
ماعرف شصار بيه.. بس جان عندي عادي اني اموت و انتي تعيشين.
و حته هسه فرحان لان اني الايدي انكسرت و انتي مابيج شي. رجع باوع كدامه و جر نفس
طلعتي غاليه عندي كلش

ريم..بقيت واكفه مثل الصنم و صافنه ع كلامه.
قاسم..يلا امشي
دار وجهه وضل يمشي ع كيف و اني بقيت فاتحه حلكي مستغربه.
وكف و باوع عليه
قاسم..حتبقين هيج؟
فزيت و بلعت ريكي
ريم..ها
قاسم..يلا

هزيت راسي و رحت امشي ويا و اني مدنكه
بس ماعرف كل احوالي تخربطت بعد ما كمل كلامه.
احس كلبي يكول يحبني و عقلي يكولي غبيه انتي تره مكلج احبج بس جان خايف عليج لان فقط غاليه علي
صفنت و ضليت امشي و اني تايهه بتفكيري.

طلعنا بره و جان عمو سعدون دينتظره يم السياره.. قبل ليصعد سلم ع محمد و اتشكر منه هواي و كله وصل سلامي لرغد و الوالده
محمد..يوصل حبيبي..و مره ثانيه الحمدالله ع سلامتك يوم الاشوفك تلعب تنس بأيدك
قاسم..ههههههههه حبيبي والله
صعد بالسياره بالصدر و عمو سعدون هو اليسوق و اني و بيبي امينه وره.

سلمنا ع محمد زوج رغد بأيدنا و عمو سعدون شغل السياره..و توجهنا لديالى
كل الطريق جنت شارده بكلام عمو قاسم. هسه هو ليش هيج يحجي وياي و يخربط كل تفكيري و اني شكو هيج دافكر و شاغله بالي.. جريت نفس و حطيت راسي ع جامه
بس اوصل لديالى ارجع ادوامي و التهي بدراستي و ما افكر بشي ثاني احسلي.

من وصلنا لديالى..اول منزلنا الكل جان ينتظرنا بره و سلمو ع قاسم و اتحمدوله بالسلامه.. بس الاستغربنا منه حمودي اجه ركض عليه.. شلته و كمت ابوس بي و قاسم ضل صافن علينا.. وراهه راح لبيبي امينه يسلم عليها يلا راح لابو.. انتبهت ع قاسم كلش ضاج من شاف ابنه هيج ممهتمله.

و ماما بنص هذا كله..جرتني و صعدتني فوك و خلتني تحجيلها ع براء كولشي.. و اني هم حجيتلها الصار و شوفتها الصور.. بس ع عركه زيدون محجيتلها حته لضل تاكل راسي بالحجي ..
اباوع عليها تباوع ع صور و تلطم ع رجلها
حليمه..صخام الصخمك اشرف هيج اذب بنتك ذبه
ريم..ماما كولي يالله هسه يمكن يطلع صدك يحبها و يدللوها
حليمه..ولج يا يحبهه مزوجه واحد زعطوط..هذول شلون راح يفتحون بيت.. شلون راح يربون جهال و همه اصلا بعدهم اطفال.
ريم..لتخوفيني
حليمه..عاتبيني اذا اختج مترجع وره سنه او سنتين طايح حضها. عاتبيني

ضليت صافنه ع حجيها و هيه اباوع عليها محروك دمها
ريم..شو انتي من ازوجت  حمزه قبلتي و جنت صغيره
باوعت عليه بعصبيه
حليمه..انتي لتربطين كلشي بصخام..اول شي بسبب الضروف ثاني شي جان حمزه اكبر منج و فاهم
و حته هسه من راح تزوجين قاسم..هو قاسم الراح  يدير باله عليج و حيعرف شلون يتصرف وياج لان هم فاهم و شايف و عايف و دارس الحياه تدريس.. بس مو طفل حته القاط جبير علي.
هذول الاطفال  الي بنفس العمر من يزوجون حته تفتهم محيصير بيناتهم
ريم..شلون