أسيرة في موطنك (مكتملة)

البارت الستون

مساء الخير احبتي
اتمنى لكم قراءه ممتعه

بقلم: زهراء البياتي

اعتذر لان البارحه منزلت بارت..بس صار عندي ضرف و هسه يله خلصت البارت.. و اريد منكم تدعون لاختي
البارحه ولدت بس صار عدهه نزيف بالعمليه و هسه هيه بالمستشفى تحت المراقبه.. ادعولها الله يخليكم

قاسم..خمس شامات
باوعت علي
ريم..شنوو
قاسم..خمس شامات بركبتج

صفنت علي بعدين استوعب الديحجي و فزيت ع صوت ماما
حليمه..يلا يلا نزلو
اخذت نفس و هو لزمني من ايدي.. و نزلنا ع كيف سوه
جنت مدنكه راسي و منتبهه ع كعب حته لا اوكع.
نزلنا و النسوان يهلهلن و ماما طايره من الفرح بينا و اطش جكليت و تهلهل.

دخلنا للاستقبال و اباوع علي..يمسح بكصته و يبسم بوجهه النسوان..مبين ع شكله يريد بس يطلع من الخجل.. كعدنا ع كوشه.. و اول مكعدنا اجن النسوان يباركن..صديقاتي تجن حضنني.. و خالاته و بنات خالاته باركولنا و ضلو يبوسون بقاسم.
و قاسم يطلع كلينكس و يمسح بكصته.

رجعت كعدت ع كوشه.. و اجت ماما هيه و مره ماعرف منيه.. و بأيدهم صينيه الحنه
حطوهه ع ميز و كالو نتحنه من هسه حته قاسم يطلع.
اجت هاي المره  الجبيره  تحط بالحنه و اني فاتحه ايدي و هيه تحجي بصوت عالي و النسوان يهلهلن
..سبع وليدات و بنيه انشالله
رجعت حنت اصبع قاسم و ماما تصفك و تهلهل.

قاسم بس تحنى حجه  ويا بيبي امينه.. و بيبي بسرعه أشرتله براسها بمعنى اي
و هو بسرعه كام و ماما وكفت كدامه
حليمه..لا وين..الكيك و العصير
قاسم..عود اجي بعد ساعتين.. هسه خلي اشوف جماعتي دينتظروني بره
حليمه..يلا ساعتين و اودي جهال يصيحوك
هز راسه و طلع من الاستقبال و ماما راحت شغلت الاغاني و علت الصوت. و المره الحنتني تفتر ع البنات تحط لكل وحده حنه بأيدهه و تدعيلهن بالزواج.

اجت ماما و لفت قطعه قماش حمره..على ايدي.
حته ما ادمر روحي بالحنه.. جرتني من ايدي و جرتني لنص الاستقبال..تهز بأيدي و تركص كدامي.. و البنات هم كامن يركصن.. و اباوع ع هدى تركص بنزاكه و تباوع ع ام خطيبها..لان جانت جايه لوحدهه.

ركصت شوي ويا البنات.. و رجعت كعدت ع كوشه
و ردت انزع الكعب لان ما اتحمل البسه كولش يأذي
بس ماما شافتني و اجت وكفت يمي..بسرعه كرصتني من ايدي.
ريم..اخخخ
حليمه..شدتسوين
ريم..الكعب ديموتني
همست بصوت ناصي و هيه تضحك بوجهه الناس
..تحملي لا اطيح حضج
ريم..رجلي دتموتني
حلميه..داكلج تحملييي

راحت و اني جريت نفس بضيق
بقيت اباوع ع بنات بس يركصن و عبالك ميتعبن
يرجعن يشربن ببسي و من تطلع اغنيه جديده يكومون من مكانهن و هنه منطربات.
اجت هدى كعدت يمي و همست ع كيف
هدى..ام يونس بس تباوع عليه
ريم..اي غير طالعه تخبلين
هدى..بس مجنت اوفر بالركص مو
ريم..لا لا حلو جان ركصج
هدى..اي كمت اتموع كدامها..لان استحيت  اردح كدامها و انزل للكاع كلت عيب
ضحكت
ريم..الظاهر تردين تردحين للكاع
هدى..اييي لج كلش مشتهيه هيج اكوم اسحل الكاع سحل بشعري..بس استحي من امه عيب شتكول عليه اذا تشوفني هيج