أسيرة في موطنك (مكتملة)

البارت الثامن

مساء الخير أحبتي
أتمنى لكم قراءه ممتعه ❤

بارت طوووويل لعيونكم❤

بقلم:زهراء البياتي

ريم..صعدت بالغرفه و اني افكر بحمزه..اشو مره يرزلني و مره يخزر بيه غير افتهم شبي
دخلت للغرفه و كلت لاسراء انو قاسم حينتظرنا و هيه طارت من الفرح و كلساع تباوع ع ساعه

و اني بقيت بالفراش ارسم
وره شويه جعت كلت خلي انزل اكل
نزلت جوه و لكيت خاله صبا بعدها و حته حمزه بعده
شو هذول مناوين ينامون اليوم الساعه بال ١٢ و همه بعدهم دك سوالف

رحت للمطبخ سويتلي لفه لحم و طماطه من العشه باقي و لفيتها و كمت اكل..و حميتلي الجاي..لان اموت على الجاي عندي استعداد اشربه اربعه و عشرين ساعه
بقيت بالمطبخ اكل..لحد مسمعت صوتهم قريب صار يمكن حيروحون
كمت و غسلت و اخذت كلينكس نشفت ايدي
و رجعت المواعين و مسحت الميز لان جان وصخ

طلعت من المطبخ و نفس متوقعت لكيتهم
رايحين..دخلت للاستقبال و شفت هدى فرحانه و كاعده يم امها تسولف
رحت اني كعدت يم ماما..جانت كاعده و تعلج و تباوع ع خاله خلود
اتقربت مني و همست
حليمه..خلوده هيه و بتها حاطات عينهن ع حمزه
اتفاجئت من حجت هيج شلون عرفت مادري
ريم..شنو خلوده عيب ماما لتسمعج
حليمه..باع اني شحجي و انتي شدتحجين داكلج يريدن يلفن ع ولد
ريم..شلون عرفتي
حليمه..هه امج تعرف كولشي حياتي

سكتت محجيت شي و هدى شوي و كامت هيه و امها صعدو فوك و عمو سعدون و بيبي هم راحو نامو
بقينا بس اني و ماما و عمو خالد يدخن و قاسم يمه
قاسم هم شوي و اترخص من عمو خالد و صعد فوك

خالد..ها حبيبتي نصعد نام
حليمه..اي حبيبي اصعد انته اني جايه وراك
هز راسه و كام طلع من الاستقبال

ماما بسرعه باوعت عليه
حليمه..حتبقين هيج ساكته و تشوفين الولد يطير منج
باوعت عليها و عكدت حواجبي
ريم..مفتهمت
حليمه..تره اني امج واعرف بيج..تحبين حمزه مو
ابتسمت
ريم..شدتحجين ماما شحبه ههههه لا وين شنو احبه

حليمه..بلا سوالف التافهات بنيتي..تره داشوف ابتساماتج اله و عيونج من تباوعين علي
درت وجهي و جاي اريد اكوم
بس هيه لزمتني و كعدتني
حليمه..و هسه تأكدت انتي صدك تحبي
ريم..ماحبه ماما عوفيني يلا
رجعت كعدتني يمها
ريم..اوووف ماما هاااا شتردين

ضربتني ع راسي
حلميه..أفئافه التئفئفج انشالله اسمعي الحجي الراح اكوله و حطي بأذنج
ريم..يا حجي
حليمه..لتضعين حمزه من ايدج
ريم..هههههه ماما شدتحجين انتي..خلروح انام احسن
لزمتني و كعدتني يمها

حليمه..شوفي هو صدك حالته مو كولش و مو كولش احبه اني بس حبيت شخصيته من تباعين علي تحسي رجال صدك..اتخيلي حته خالته ميخليها تاخذ فلس منا كاعد يصرف ع امه و خالته فوزيه
رجال حوك و ينشد بي الظهر.. و ماشالله بيتهم هذا طلع مشتري ملك و منطي الفلوس لعمج سعدون
و مو بس يشتغل يم عمج بالبساتين لا يشتغل عند كل الناس و أكثر من شغله و سمعت من امه ديجمع فلوس يريد يسويله مشروع..يعني صدك رجال تاعب ع نفسه
و بأيده بنى روحه و عيش امه بدون ميمد ايده لاحد