أسيرة في موطنك (مكتملة)

البارت الواحد و الاربعون

مساء الخير احبتي
اتمنى لكم قراءه ممتعه

بقلم: زهراء البياتي

ريم..عمو بيك شي
قاسم..بيه انتي ريم
من كالها وكعت الخاشوكه من ايدي.. و بسرعه فزيت و دنكت شلت الخاشوكه و ايدي ترجف.

درت وجهي ع حمودي و مباوعت علي
حطيت الماعون و الهاشوكه ع مجمده و ماعرف شنو اسوي.. توترت كولش و اني افكر بكلمته الكالها.
حمودي ضل يصيح توت توت
بلعت ريكي و لزمت الماعون و حسيت عمو قاسم من وره اتقرب مني.. اجه يمي وكف و حط خاشوكه جديده بالماعون.
قاسم..هاج

اخذت الخاشوكه و رجعت اوكل بحمودي و عمو قاسم وراي ضل يفتر
رجع تقرب مني.. وكف يمي و ضل يباوع ع حمودي و يحجي
قاسم..ريم انتي ماعندج احد غيري
عكدت حواجبي و باوعت علي
ريم..عمو شدتحجي انته
باوع بعيوني و جر نفس
قاسم..اقبلي بيه ريم.. نفس مداكلج ماعندج احد غيري

ريم..عمو انته كاعد تستوعب شنو تحجي؟؟
اشرتله بأيدي..هناك كاعده خطيبتك تره
قاسم..بعدني مخاطبها
غمضت عيوني بصبر و درت وجهي ع حمودي اليريد ينزل..شلته و خليته بلكاع..و هو بسرعه ركض يشرب مي.
رجعت باوعت ع عمو قاسم و حجيت بعصبيه
ريم..ماريد اسمع هذا الموضوع مره ثانيه
اني مره مزوجه و حمزه اذا حيسمع هل شي حيعصب
ضحك بأستهزاز و هز راسه

اني بسرعه عفته و جاي اطلع بس رجع هو بسرعه لزمني من زندي
اني بسرعه دفعت و نترت بي
ريم..لتلزمني..باوعت علي بقرف
شلون تكدر تفكر بيه و اني جنت شاهده ع حبكم انته و اسراء..شلون كدرت هيج تنساهه بسرعه و جاي هنا تكلي انتي بيه و مدري شنو؟! تعرف عمو شي! مجنت ابد اتخيل هذا الشي منك

جر نفس و غمض عيونه بصبر
قاسم..براحتج بويه..بس خلي بالج هذيج البنيه كاعده هناك و دينتظرون مني اني اوافق عليها و هيه مناقصها شي هم.. يعني اني اكدر بسهوله ازوج و اريح بالي صدكيني.. بس انتي امانه اسراء ماريد اعوفج لوحدج
ريم..اني مو لوحدي عمو
هز راسه
قاسم..براحتج

كالها و طلع من المطبخ..اني جريت نفس
و رحت كعدت ع ميز الي بالمطبخ و لزمت راسي بوجع
اجه حمودي يمي يجرني يردني اكوم ويا
ريم..روح حبيبي روح يم خاله هدى فوك
اباوع علي ضاج و راح يمشي ع كيف و يلتفت يباوع عليه

بس جان راسي يموتني وجع..درت وجهي و ضليت ادلك براسي و اخذ نفس.. شوي و دخلت رغد اخت قاسم و بيدها بتها..من شفتها انصدمت لان صارلي هواي مشايفتها اخر مره بفاتحه اسراء  
اول مشافتني ابتسمت
رغد..هلا هلا هاي ريمه هنا 
وكفت ع حيلي و ابتسمت
ريم..شلونج
تقربت و ضلت تبوس بيه
رغد..الحمدالله انتي شلونج
وخرت و باوعت ع بتها
ريم..زينه اني..ماشالله كبرانه فطومه
رغد..كل مدتكبر دطيح حضي والله بالتعب
ريم..الله يساعدج.. شوكت اجيتي

رغد..قبل نص ساعه...شعندج كاعده هنا تعاي هناك يمنا
ريم..راسي ديوجعني شوي
رغد..تردين انطيج حبايه
ريم..لا لا هسه شوي و يروح الوجع
رغد..ها لعد تكدرين حبيبتي تلزمين فطومه شوي بين ما اصب الجاي الهم
ابتسمت
ريم..اي جيبيها