أسيرة في موطنك (مكتملة)

البارت الخامس عشر

مساء الخير احبتي
اتمنى لكم قراءه ممتعه

بقلم زهراء البياتي

حمزه..الحمدالله ع سلامتج غلاي
و فات من يمي و هو مدنك
استغربت مفتهمت شنو قصده بكلمه غلاي

بس مهتميت و دخلت وره اسراء
و ماما تلكتني من الدرج
حليمه..هلا بحبيبتي هلا برفعه راسي
اجت و حضنتني..اني ابتسمت و وخرت بسرعه منها و هيه تحجي بصوت عالي
حليمه..الف مبروك ع نجاح اريدج دوووم هيج ترفعين راسي
بكلبي كلت حته متباركيلي من كل كلبج..دتعيطين حته تحركين كلب خاله خلود

وخرت منها و سلمت ع جده فوزيه و بيبي امينه
و هدى من شافتني دارت وجهه وراحت للاستقبال
اني هم عفتها.

دخلت للاستقبال و شفت عمو سعدون كاعد متربع و يشرب جاي.. و قاسم يمه
سعدون..هلا بريمتنا
ريم..هلا عمو شلونك
سعدون..الف الحمدالله بنيتي انتي شلونج اختج شلونها
ريم..الحمدالله احسن صارت
سعدون..الحمدالله
قاسم..مبروك النجاح
ابتسمت..الله يبارك بيك عمو

اسراء جانت وراي بسرعه كرصتني
..تعاي نصعد فوك
هزيت راسي و رحت اني وياها صعدنا فوك للغرفه

اول مدخلت حطيت الجنطه و باوعت عليها واني مبتسمه
ريم..اي احجيلي شوكت عقدتو
اسراء..شكد تمنيتج يمي ولج..بس هو اصلا كلشي
صار بسرعه يعني وره منجحت تخيلي بنفس اليوم العرفت بي النتيجه..فتح الموضوع عمو سعدون ويا بابا
ريم..اي خطيه غير الولد انتظرج كومه
ابتسمت
اسراء..اي الحمدالله تم كلشي ع خير
ريم..شوكت العرس
اسراء..يمكن بعد شهرين هيج..هو راد يسوي العرس هم بسرعه بس اني كتله مستحيل هم اريد اجهز

ريم..اي حقج..بس عيني معرفتج حافه و شواربج الخضر ماكو
اسراء..حلوه مو و شعري هم شوي كصيته و اترزلت من قاسم بس احس هسه احلى
باوعت و ابتسمت
ريم..كولشي عليج حلو و كولشي تسوي يلوكلج

اسراء..فدوه لكلبج يوم الالج انشالله..اني خلي انزل اساعد ماما بالعشى و انتي اعرفج اكيد حصفطين الهدوم و تبسحين
ريم..اي والله ميته تعب
اسراء..نامي بالاول
ريم..لا لا خلي اصفط و اروح اسبح و وراهه عود انام
اسراء..ماشي اني ساعه و ارجعلج
هزيت راسي و هيه راحت نزلت و جانت فرحتها مبينه ع وجهه و شكد متحمسه.

مرت الايام و رجعت للروتين و العركات بين ماما و خلود.. و رجعت اشوف حقد هدى عليه و كرهه خاله خلود الي. و بيبي الكلساع و ترزل بيه
بس رجعتلهم مو ريم الاوليه لا رجعت افقر من ريم القديمه خاف كبل جنت شوي احجي و ارادد..هسه كمت اسمع و اسكت لو اغلس ع كولشي يصير.. مو ضعف بس تعبت منهم. و مالي حيل اراددهم و اتعارك و يضلون يعيرون بوجودي يمهم. فكمت التزم السكوت و شفت هذا الشي احسن حل الي

اسراء بهل فتره انشغلت هواي كامت هواي تطلع للسوك و تشتري و تجهز للعرس و الحنه
و ترجع الضحكه شاكه حلكها و تشوفنا بالملابس.
جنت شكد افرح من اشوفها هيج فرحانه و دائما ادعيلها ربي يتمم فرحها بخير و تبقى طول العمر ويا قاسم و ميتفاركون ابد.