أسيرة في موطنك (مكتملة)

البارت الخامس و الخمسون

مساء الخير احبتي
اتمنى لكم قراءه ممتعه

بقلم: زهراء البياتي

ريم..ضليت اعيط.. و ماعرف شنو ديصير بس السياره اخر شي مشت عسريع و انضربنا بشي كولش قوي بحيث ايده رخت..و اني انضربت ع كصتي. و اخر شي سمعته منه هو أهاته
قاسم..اااااااخ ياااا بويه

ريم..غمضت عيوني بوجع اريد ارفع راسي بس جسمي كله يرجف..لزمت بالكشن و ضليت ارفع براسي شوي شوي..رفعت راسي و حسيت دم دينزل من كصتي.

مهتميت لنفسي..رجعت كعدت عدل و شوي مدنكه.
بسرعه درت وجهي و شفت عمو قاسم مرجع ضهره و بأيده اليسرى لازمه ايده اليمنى و وجهه بي هواي جروح و دم و جان مغمض عيونه.

بس شفته تخبلت حته الوجع البيه راح.. تقربت بسرعه و دموعي تنزل..ضليت اهز بي و ابجي
ريم..عمو عموووو..افتح عيونك حباب افتح عيونك لتخوفني افتح عيونك
ع صوتي فتح عيونه..بس رجع سدهن
بس شفته هيج تخبلت بالزايد.. و باوعت كدامنا مضروبين بنخله صايره ع رصيف ناصي و احنه صاعدين ع رصيف و الشارع جان شبهه فارغ.

درت وجهي و ايدي ترجف و الخوف ع عمو قاسم متملكني.. فتحت الباب..بلكوه انفتح دفعته برجلي حيل يلا.. نزلت و رجلي جانت ترجف..بحيث امشي و اعثر بس جنت اتلمس بالسياره..رحت من جهه عمو فتحت الباب حيل.. و تقربت منه.. ضليت اهز براسه اريده بس يفتح عيونه
ريم..عمو باوع عليه عموو حباب حباب..احجي و ابجي بحركه 
رجع حرك راسه بجهتي و فتح عيوني ع كيف
فتح حلكه و حجه بلكوه
قاسم..شردي

ابتسمت من حجه..يعني عايش يعني عايش
هزيت راسي بنفسي
ريم..لا لا ما اشرد هس..هسسه هسسسه الناس يساعدونا.. بس لتغمض عيونك  جنت احجي و جسمي كله يرجف و شفتي ترجف.. بلعت ريكي و هو رجع سد عيونه اني بسرعه رحت للباب الوره
فتحته و اخذت الجنطه مالتي..فتحته و لزمت تلفون ماما و اصابعي يرجف.. رحت ع جهات الاتصال من لكيت اسم ابو قاسم.. بسرعه دكيت و حطيت التلفون ع اذني و رجعت وكفت يم عمو و اباوع ع شارع.

جاوبني عمو سعدون
سعدون..الو
بس سمعت صوته كمت ابجي..اريد احجي بس احس الحروف متطلع من لساني و ارجع اباوع ع عمو و ابجي
سعدون..الوووو.. الووووو
ريم..ععموو عمو.. عمو اااا..انييي رييي.ريمممم
عمو اندعمنا اندعمنا و عمو قاسم مديفتح عيونه عمو قاسم متأذي عمو حباب ساعدنا..حجيت اخر جمله و شهكت بالبجي
سعدون..شلووووون.. ويييين انتو هسسسسه وين
باوعت ع شارع بدون معرفه
ريم..ماعرف عمو ماعرف ماعرف

سعدون..ماشي ماشي..استغفرالله يا اللهي الطف بيهم
اسمعي بنيتي بدون خوف..و سمعيني زين..انطي التلفون لاي وا تشوفي بالشارع..او دكي ع اي بيت خلي بس يكلولي اسم المنطقه حته اخابر ع زوج رغد و اخلي يجيكم و اني هم اجي.. بس اريد اعرف اسم المنطقه بنتي.. لازم تعرفينا اسم المنطقه
هزيت راسي و ضلت اباوع ع شارع.. فات ابو تكسي و شافنا و لا أهتم.. ضليت اباوع من الجهتين يفوتن سيارات عسريع و لا سياره توكف.. و عمو سعدون باذني يصيح
..اي احد اي احد