أسيرة في موطنك (مكتملة)

حوارات

مساء الخير احبتي

مو بارت بس لتخافون بليل حينزل البارت!

هنا حبيت اتحاور وياكم ع  شغله دائما تسئلوني عليها

و هي
كم بارت و تخلص القصه؟!

شوفو يا حبايبي.. اني هاي القصه المفروض انشرها قبل الراهبه و الطيار اتخيلو من هذاك الوكت البطله داخلتلي.
بس لان شفتها قصه قويه و حبيتها كلش.. فقررت أجلها لحد ميكثرون متابعيني.

و الحمدالله بديت بيها و جابت تفاعل عالي.
بحيث حته اكو كروبات بالتلي هواي دينشروها
و صفحات فيس ينشرون القصص ديدخلولي حته هم ينشروها.
يعني الف الحمدالله هواي هواي متابعين حبوها!

و البطله انتظرت هواي وياي و صبرت عليه.
بديت براهبه و كالت شوكت كتلها مو هسه..وراهه بديت بهاويه الاختيار و هيه تكلي شوكت نبدي و اني أجل بيها لان جنت اعرف هاي القصه حتاخذ صدى اكثر من باقي القصص.

لهذا السبب ماريد اختصر شي مهم بالقصه ابددد!
اريد اكتب كلشي بالقصه بدون اختصار.. بس اني اختصر فقط السنين المابيها شي مهم و الكضتها ريم بس دراسه هاي هنا مجبوره اختصرها.
بس باقي الاحداث ابد ما احب اختصرها و البطله صبرت هواي وياي فلازم اكتب قصتها بأروع صوره.

العركات و الحوارات البينهم.. من تتغده من تتعشى
من تنام.. مشاعرهه كلشي كلشي حكتب و ما اختصر شي.

فيعني اني ماكدر اكول رقم محدد ليوين و تخلص
بس اكدر اكللكم القصه بيها نهايه!
و نهايه مفهمومه و واضحه هم

جنت قبل اني و البطله مقررين لسنه معينه
بس شوي تغيرت و اطورت احداث
وصلناهه لسنه 2019
يعني الاحداث حتمشي و تستمر لسنه 2019

و تقريبا انتبهولي ع تقريبا😂
البارتات حتتعدده الخمسين بارت
و يمكن 60 لان حسب طول البارت و قصره!!

اتمنى بعد متسالوني هذا السؤال اليسوي عندي صداع 😂😂😂.. و اتعجب على اليردون القصه تخلص
🥺🥺🥺 هيه حلاه القصه اذا طويله.

المهم حبيت اوضحلكم هذا السؤال المليون مره يتكرر

و هسه اروح اكتب بالبارت
باي ❤

و ها قبل لا اروح ضحكني تعليق بنيه ع اخر بارت
كتبت لا حمزه حصلنا و لا قاسم حصلنا
و اكو وحده ثانيه كاتبه راحو الابطال من ايدنا
و اني من قريت هذني التعليقين متت ضحك😂😂😂😂
انتو شتكولون
فد لا ريم تبقه ع كلبنا لا محصله هذا و لا هذا 😂💔

زهراء البياتي