مساء الخير احبتي
اتمنى لكم قراءه ممتعه
بقلم: زهراء البياتي
هذا البارت تكمله بارت البارحه
لان جان البارحه قصير.. و اسفه ع تأخير
ريم..شبيج اكو شي ثاني
صفنت بوجهي و كالت
حليمه..تريدج انتي تحضرين العرس.. بس اني متريدني
باوعت عليها بصدمه.. احس لساني انعكد
براء تريدني اني؟!
ضليت صافنه اريد استوعب الموضوع و ماما مسحت دموعها و كامت تباوع عليه
حليمه..شبيج
ريم..هيه كلتلج تريدني
حليمه..اي
ريم..اني؟
حليمه..اووو شبيج كتلج اي
حجيت بصدمه
ريم..بس جانت حته متقبل اشوفني..شلون هسه حتخليني احضر عرسها
حليمه..حنتلج
تقربت و كعدت يمها و اتكبت ع تاج مال الجربايه
ريم..زين انتي ليش مقهوره
حليمه..اكو وحده بعرسها متريد امها
ريم..امها؟ يا ام ماما.. درت وجهي و باوعت عليها
انتي بحياتج مجنتي ام لبراء و حته اختي زهراء الله يرحمها لو جانت عايشه جان هم كرهتج.. و لو اني باقيه يمهن جان هم كرهتج.. كوليلي يا ام التترك بناتها و تجيهن كل سنه مره تشوفهن نص ساعه او يوم يومين و تروح.. انتي متعرفين عليها شي؟ تعرفين براء شتحب يا اكله؟ زين كم مره اتمرضت براء و وكفتي فوك راسها للصبح؟؟ كم مره حضنتيها و واسيتيها؟ كم مره نيمتيها بحضنج؟؟ ها شو مدتجاوبين ماما
جنت احجي بحركه و هيه مدنكه راسها و تبجي
ريم..براء كرهتني اني هم بسببج ماما
لتلوميها ابد.. لان انتي ابد مصرتيلها ام.. حته اني العايشه يمج و لا مره حسيت بحنان الام
باوعت عليه بصدمه
حليمه..كل السويته علمودج و محسيتي بحناني و حبي الج
نزلت دموعي ع خدي و جاوبتها بعصبيه
ريم..لا محسييييت.. انتي لحد هسه تردين يرجع زوجج العار الراد يغتصبني
عاطت بيه
حليمه..اني ماريده يرجع.. انتي من تشوفيني ضايجه و مقهوره لا عبالج اريده يرجع..لتفسرين اشياء بعقلج مموجوده
ريم..لعد ليييييش من راح لحد هذا اليوم انتي بس تبجين بالغرفه و متحجين ويا اي احد
حليمه..مقهوره اي و ابجي هم اي بس مو على خالد
على حضي.. الوين ما اروح ما ارتاح بحياتي
درت وجهي ليكدام و مسحت دموعي
و هيه هم دارت وجهه و سكتت
رجعت حجيت بصوت ناصي
ريم..زين اول مره من صدكتيني بس هم وكفتي ويا
حليمه..زوجتج حمزه و نقذتج منه.. و رجعت اعيش ويا مجبوووووره..ماعندي غيررره ماعنددددي احد غيرررره
ريم..بس وكفتي ضددد بنتج..ضدددد بنتج..باوعت عليها و حجيت بقهر
انتي لازم بهذاك الوكت اتركي.. و تجين تاخذيني و اطلعيني من هل مزبله الهنا
حليمه..كتلج زوجتج لحمزه و امنت عليج.. شدراني يطلع حمزه هم واحد زباله
درت وجهي و هيه ضلت تحجي بصوت عالي
حليمه..انتي و غيرج مراح تفهموني.. تعاتبوني لان مربيت.. بس محد منكم عاش العشته اني بحياتي.
اني مشفت طفوله.. طفولتي كضيتها تحرش من ابن خالتي.. و امي تضرب بيه و خالتي هم.. يطلعوني من الصبح لليل اشتغل حته لو اكدي هم عادي.. كضيت طفولتي اباوع ع الجهال..اريد البس نفسهم اريد اكشخ و اكل حلويات و العب وياهم.. بس مجنت اكدر اسوي و لا شي.. جانو يكشون مني لان وصخه.. جنت باللبسه ابقه شهر يلا اغيرهه.. وراهه عود مريت بفتره مراهقه.
هه بفتره مراهقتي امي ماتت و بقيت بيد خالتي و ابنها اليتونس بيه شوكت ميريد.. و صرت حامل بيج و هاي كله اني بفتره المراهقه حته مصاير عمري 20
أنت تقرأ
أسيرة في موطنك (مكتملة)
General Fictionقصه عراقيه..حقيقه فتاه صغيره..تعيش مع أبيها و خواتها تتغير حياتها حين تعلم أنها أبنت شخص ثاني و تنتقل للعيش مع أمها فماذا تواجهه من صعوبات؟ و ماذا يكون مصيرها زهراء البياتي
