أسيرة في موطنك (مكتملة)

البارت ٦٣

مساء الخير احبتي
اتمنى لكم قراءه ممتعه

بقلم:زهراء البياتي

اسفه ع تأخير بس شو من اقرر اكتب بارت هديه
بناتي مينامن للصبح 😂
بارت صغيره لعيونكم❤ اعذروني ع تأخير

صعدني فوك و رجعني ثبتني بالحايط
و هو يبوس بيه بلهفه و خوف.
ابتعد شوي و اني فتحت حلكي مصدومه..و نفسي يصعد و ينزل.. و هو هم نفس الشي.. باوعت بعيونه
بسرعه هو تنهد و رجع باسني مره ثانيه.

منطيت اي رده فعل..جنت بين ايده مثل العابه
يجيبني منا و يوديني منا.. جرني من خصري
و شالني بثنين ايده و بقه يبوس بيه.. دخلني للغرفه
و اخذني للجربايه.. نيمني..و تقرب مني.. نزل يبوس بركبتي..ورجع صعد يم اذني همس
قاسم.. مكدرت الزم نفسي.. خفت عليج هواي

ابتعد مني.. و هو يفتح بدكم قميصه.. راح للحمام
و جان يتنفس بصوت عالي.. و نفسه يصعد و ينزل.
دخل للحمام و اني بقيت نايمه ع جربايه و اباوع ع سكف.. كمت اغمض و افتح بعيوني..عبالك العشته حلم.
شلون هيج صار بلحضه؟!

كمت من الفراش و لزمت راسي.. حته احس روحي دايخه.. طلعت من الغرفه عسريع.. و دخلت بغرفه حمودي..سديت الباب و رحت افتر بالغرفه و كل الصار بقه ينعاد كبالي.. بلعت ريكي و باوعت ع مرايا..وجهي احمر.

بقيت بالغرفه افتر و افكر شلون بعد اطلع و اباوع بوجهه..شلون بعد احجي ويا.. انفتح الباب..بسرعه فزيت و باوعت لكيته واكف لابس شورت و لازم يده الباب
قاسم..شدتسوين
بس شفته بلعت ريكي..و الحراره صعدت لراسي احس اني الفشلانه مو هو..و عبالك مسويه جريمه.
فتحت حلكي و بلكوه طلعت مني الكلمه
ريم..ها
قاسم..شدتسوين هنا
ريم..شسمه..جنت افتر بالغرفه
قاسم..هاي طلعت مو غرفه متحف.

ضليت صافنه علي فوك السواه قبل شوي جاي يضحك عليه.
قاسم..تعاي
بسرعه كلت
ريم..وين
قاسم..تعاي
مشيت ع كيف و وكفت كدامه..بسرعه دنكت راسي و سويت روحي اباوع ع كاع

قاسم..من شنو خجلانه
رفعت راسي و عود سويت روحي مفتهمت
ريم..ها..خجلانه؟!
قاسم..ميحتاج تستحين من شي..و الصار انسي
و لا يحتاج تختلين بالغرف من وراي.
بقيت صافنه علي معرفت شنو اجاوب
بس ارتاحيت بداخلي لان شفته عبالك ناسي الصار بيناتنا. و ميحتاج اخجل.

قاسم..يلا نزلي سويلي عشه..ميت جوع
هزيت راسي
ريم..ماشي هسه اسوي
قاسم..يلا
فتت من يمه و نزلت جوه و هو بقه فوك بالغرفه.

نزلت للمطبخ و كمت احضر بالاكل.. و كلساع من اصفن ينعاد كلشي صار.. انفض افكاري و اسوي روحي ممهتمه. بس هو كلبي ليهسه يدك.
دخل للمطبخ و هو يدخن..كعد ع كرسي.. و ضل يباوع عليه شلون اشتغل.. ارتبكت مم نضراته و بلكوه كمت اشتغل.

حطيت الاكل ع ميز و كعدت كباله..جان هو يدخن و صافن بوجهي
باوعت علي و هزيت راسي
ريم..شكو
قاسم..حلوه
ريم..ها
قاسم..على السما داكول حلوه.. كالها و دنك ع اكل و هو يكول
يالله بسم الله