أسيرة في موطنك (مكتملة)

البارت الرابع و الثلاثون

مساء الخير احبتي
اتمنى لكم قراءه ممتعه 

بقلم: زهراء البياتي

صبا..ادخل لغرفتي اشوفكم متحاضنين و تكلي شبيج؟!!!!
حمزه..ها اي اعذريني حقج..هسه اخذها للغرفه و هناك براحتي احضنها
هزت راسها بتوعد و طلعت و سدت الباب حيل.

ريم..فتحت حلكي بصدمه و بيني و بين نفسي كلت هاهيه بعد لو اموت مراح ترجع خاله صبا تحبني.
حمزه..رفع ايده و ضغط على عيونه بتعب..وراهه باوع ع باب و جر نفس.
رجع باوع عليه..اني جنت واكفه و احس الدنيا كامت حته تفتر بيه
حمزه..حروح احجي وياهه
كال هيج و دار وجهه طلع من الغرفه.

بس طلع كعدت بالكاع و دموعي نزلن.
حطيت ايدي على وجهي و كمت اشهك من البجي.
احس ممصدكه لا الموقف الصار ويا حمزه و لا نضرات خاله صبا. وخرت ايدي و جريت نفس..رفعت راسي و مسحت دموعي و ايدي بس ترجف.

جريت بجامه و لبستها عسريع. و شعري بقيته مبلل حته ممشطته.
و رجعت ع ملابس كعدت بنصهن و كمت اصفط بيهم و ابجي.. و اجر نفس و امسح دموعي.. شلت الملابس و حطيتهن بالكنتور و الباقي مجان الي حيل اصفطهم..شلتهم و حطيتهم بالكنتور و رجعت الصندوق جوه الملابس.

سديت الكنتور و كعدت ع كاع و اتكيت على الكنتور و ضليت صافنه..اكيد خاله صبا حتكرهني و تأذيني بالاكثر. حطيت ايدي على وجهي بتعب و انفتح الباب.. بسرعه وخرت ايدي و باوعت لكيت حمزه.
دخل و دنك لمستواي..بسرعه اني درت وجهي و كمت اباوع ليكدام و مدنكه راسي.

حمزه..امشي للغرفه
مجاوبته و هو جر نفس
حمزه..ريم لتعبيني يلا امشي..و لتخافين من شي امي حجيت وياهه و سكتت و اصلا متكدر تحجي شي زايد لان مهما يصير بيناتنا انتي زوجتي
باوعت علي و حجيت بعصبيه
ريم..اني مو زوجتتتتتك
غمض عيونه بصبر
حمزه..انتي زوجتي بس تره اني مماخذج
مفتهمت وين يريد ياخذني.
ريم..شوي و اجي
حمزه..لا هسه

اخذت نفس
و كمت وكفت ع حيلي و فتت من يمه و طلعت من الغرفه.. رحت لغرفته دخلت و هو جان وراي يمشي.
سد الباب و اني رحت ع جربايه..كعدت..اخذت نفس و مددت..  غمضت عيوني بسرعه.
حمزه..حتنامين و شعرج مبلل
فتحت عيوني و شفته واكف كدامي و مكتف ايده لصدره.
ريم..نعسانه اريد انام.
هز راسه و اني رجعت غمضت عيوني.

مغمضه عيوني و ماحس غير واحد يجرني من ايدي
فتحت عيوني و لكيته حمزه
حمزه..كومي يلا.
ريم..وين
جرني من ايدي و كومني من الجربايه و اجه هو كعد عليها. و بيده المشط
باوعت عليه و اني فاتحه حلكي اريد اشوفه شحيسوي
حمزه..يلا تربعي بالكاع
ريم..ليش
حمزه..خلي امشطلج..يعني شسمه حته لتتمرضين
ابتسمت ممصدكه
ريم..تمشطلي؟ انته يعني انته تلزم المشط و تمشطلي؟

حمزه..اي
باوعت عليه مصدومه من بروده
ريم..حمزه قبل شوي امك شافتنا و انته هم..سكتت و غمضت عيوني بصبر
حمزه..شنو قبل شوي كتلنا واحد و دفنا بالحديقه و هيج خايفه
فتحت عيوني و جريت نفس
ريم..مو هيج قصدي بس تحجي برود و عادي 
حمزه..ريم لان اني ما اكبر اي سالفه و لا انطيها اهميه.
الشي الاشوفه صح اسوي و ميهمني الباقي.