أسيرة في موطنك (مكتملة)

البارت الخامس و العشرون

مساء الخير احبتي
أتمنى لكم قراءه ممتعه

بقلم: زهراء البياتي

طبعا هذا البارت قصير يعني اعتبرو تصبيريه
لان اكو ناس سوو عليه حمله ☹😔 و ردتو حته لو تصبيريه و اني تعرفوني قلبي ضعيف كدامكم.. مكدرت اغلس فكتبتلكم تصبيريه بيوم استراحتي

و ها هم  اريد اشرحلكم شي.. اكو بنات يكولن شنو هيه ثالث متوسط صارت و بعدهه متفتهم الزواج..شوفو بنات قبل المراهقات مجانن يعرفن بهاي السوالف لان بساطه ماعدهن تلفونات عايشات على الفطره..ميعرفن بالضبط شلون رجال يتقرب من الزوجه..عكس هل زمن كل البنات صار عدهن تلفونات و يشوفن من القصص او مواقع التواصل الاجتماعي و كامن يعرفن الشغله. اما بنات قبل جانن يمر يوم كامل لا كوكل لا يوتيوب لا اي شي.. شلون تردوهن يعرفن هيج سوالف؟؟!حياتهن اكل و نوم و دراسه.

هسه نرجع للبارت

بس شايفين اذا متتفاعلون بعد ما اكتبلكم تصبيريه ☹

..............

حمزه..اسمعج..كالها و شالني من خصري بحركه سريعه
شهكت..بس هو بسرعه بأيده الثانيه من وره ثبت راسي و باسني من شفايفي.  و ضل يمشي بيه للغرفه.
دخلني للغرفه و هو شايلني و رجع سد الباب برجله

ريم..كلبي يدك و ايدي ترجف..دفعته حيل من صدره بس جان عاصرني بأيده. من دخلني للغرفه كلبي وكع بأيدي من الخوف.. بحيث كمت ارافس حته برجلي بس هو بعالم ثاني. نفس الخوف التملكني بغرفه عمو خالد رجعت حسيت.

نيمني على الجربايه و معافلي مجال حته اتنفس
بقه يبوس بشفتي لحد مكمت اضربه على صدره من هلكد مختنكت. من شافني احرك براسي و ادفع بي و جسمي كله يرجف جوه ايده
ابتعد و اني بسرعه جريييت نفسسسس
و هو جان فوكايه صافن بوجهي.

غمضت عيوني و دموعي نزلن..ماريد افتحهن و اشوفه اريده بس يوخر مني اريده بس يعوفني.اريد اكعد من النوم و يطلع هذا حلم.

ضل نفسه يصعد و ينزل..عبالك انسان ديحارب بمعركه
و اني بقيت مغمضه عيوني و دموعي تنزل على خدي و جسمي كله يرجف. تقرب مره ثانيه مني و همس بأذني
حمزه..اسف
كالها و اني بسرعه فتحت عيوني و هو كام من فوكايه
و كعد ع جربايه يفرك بوجهه.

من الخوف و الرعب الدخلت بي..بقيت نايمه و احس حته مداكدر اكوم كدامه. بقيت على الجربايه نايمه و دموعي تنزل..رفعت ايدي حطيتها ع حلكي حته ميطلع صوت البجي.
و هو جان يفرك بوجهه و يتسغفر ربه..دار وجهه صفح بس مباوع بوجهي
حمزه..ريم روحي نامي

بلعت ريكي و سحبت روحي على كيف..من طخت رجلي الكاع بسرعه كمت على حيلي و ركضت..فتحت الباب بأيد ترجف و طلعت من الغرفه.