أسيرة في موطنك (مكتملة)

البارت التاسع و الخمسون

مساء الخير احبتي
اتمنى لكم قراءه ممتعه❤

بقلم: زهراء البياتي

اعتذر كولش على التأخير بس نفس متعرفون ليله قدر
صليت و كمت اقره قران و من خلصت سهرت للصبح علمودكم والله
و كتبتلكم بارت طويل ❤

ريم..شكو
قاسم..اني احتاج مره.. يعني من نزوج و اروح اسهر بره مو تجين تحاسبيني. و اذا تشوفيني مصادق هم متكدرين تحاسبيني.. يعني اذا تردين اتفاقج..لازم تبقين دايره بالج ع حمودي و بس غير شي ميخصج.

بقيت صافنه.. معرفت شنو اجاوب و لساني انعكد.
قاسم..اني بالبدايه كتلج..ردتج زوجه الي.. مو بس لتربيه حمودي..بس انتي شرطتي عليه هل اتفاق
لهذا كلشي اسوي اني من ازوج.. هذا شي ميخصج
ريم..بلعت ريكي..اريد الأحرف تطلع بس ماكو ماعرف شنو اجاوب و شنو احجي..انصدمت من صراحته و جرئته.
قاسم..متفقين؟ لو عندج اعتراض

ريم..ها اني..يعن..يعني ان..اني ششسمه
قاسم..ع شنو متردده انتي مو شرطتي ما اتقربلج لو لا.
هو حجه هيج و اني صخنت و مم الخجل ماعرف شكول
دخلت علينا هدى و هيه تحجي بعصبيه
هدى..ليش مساعدتيني بغسل الم..سكتت من شافتنا
تردوني اطلع؟
قاسم..لا ميحتاج..رجع باوع عليه..احنه الحنطلع
جرني من معصم ايدي

و مشاني وراه..و هدى تباوع علينا.. طلعني من الغرفه و اخذني لغرفته..فتح الباب و دخلني و دخل هو وراي.
اني كمت افرك ايد بأيد و عقلي يريد ينفجر بالتفكير احسه مديخليني مجال افكر و لا اتنفس.
و ماعرف اني شنو اريد.. الاعرفه ماريده يتقرب لان اني نفسي متقبل بي.. بس ليش من حجه وياي هسه ضجت و احس اريد اعترض بس خاف من اعترض عيب منه و شيكول هاي شتريد مني..شنو قابل العب علي اني
فزيت بنص هوسه افكاري ع صوته
قاسم..اي شكلتي؟!

اجه وكف كدامي.. و اني دنكت راسي
تقرب شي..من تقرب بسرعه رجعت خطوات ليوره.
لحد منضربت بالباب.. و هو رجع تقرب مني و صار قريب كلش.
مد ايده اليمنى ع باب و دنك راسه يباوع عليه
قاسم..اريد اسمع صوتج..احجي.. مبقه هواي ع زواجنا لازم نتفتهم بخصوص هل موضوع و لتخجلين ابد
بلعت ريكي بأرتباك.

قاسم..وين لسانج
باوعت علي و ابتسمت ابتسامه خفيفه.
قاسم..يبت ادم احجي
رفعت راسي و اجت عيني بعينه 
ريم..بعدني على شرطي

هز راسه على كيف و ابتعد
قاسم..ماشي
درت وجهي.. اريد اطلع..بس رجع صاحني
قاسم..ريم
باوعت علي
ريم..ها
قاسم..ابدي من الباجر انتي و امج..يعني حضرو كولشي
و الفلوس اني منطيهن لامج..اذا مكفن بس تعالو عليه
و كلشي تحتاجو كلولي.
هزيت راسي
ريم..ماشي

قاسم..و جهزي للحنه هم..و العرس.. و اعزمي صديقاتج الترديهم و حته اختج عزميها.
ريم..ما اعتقد تجي..بس اكيد حعزمها
هز راسه..و اني طلعت من الغرفه.. حطيت ايدي ع ركبتي بخنكه و ضليت اتنفس بصعوبه.
اكو شي مو نظامي ديصير وياي ليش هيج من اكون ويا داتغير و حته بلكوه احجي.