أسيرة في موطنك (مكتملة)

البارت الثاني عشر

مساء الخير أحبتي

أتمنى لكم قراءه ممتعه ❤

هذا البارت قصير لان مثل مكتلكم تصبيريه❤❤

بقلم:زهراء البياتي

قاسم..هسه تاخذيها لغرفتي فووك بس ماريد اي احد يشوفها بهل حاله..واني دقيقتين و جاي

ريم..لزمت اسراء من بجامتها و كمت ابجي بحركه
و اسراء ضلت صافنه متعرف شديصير..لحد منتر بيها مره ثانيه
قاسم..اخذذذذيها
هيه فزت و جرتني 
اسراء..اي اي شبيك لتعيط

ريم..اخذتني من ايدي و فاتحه حلكها
وصلنا يم الباب و باوعت ع حالتي
اسراء..شصار
محجيت شي بس كمت امسح دموعي بكف ايدي

تقرب مني و ضلت تمسحهن هيه و تهدي بيه
اسراء..كافي كافي ريمه كافي بس اهدي اريد ادخل و ميشوفوج بهل حاله..هسه همه بالمطبخ كون بسرعه نصعد فوك
هزيت راسي بلا
ريم..قاسم حيكتلني ماريد لصعديني
اسراء..معليج شحده يمد ايده عليج واني يمج..يلا تعاي

جرتني من ايدي و دخلتني للبيت
و بسرعه ركضت و هيه تجرني..صعدنا ع درج و من وصلنا فوك..صاحت بصوت عالي من فوك
اسراء..ماما اني ماريد حلاوه ممشتهيه حرجع اقره و ريم هم دتدرس متريد

رجعت باوعت عليه و جرتني
و اني اتوسل بيها بصوت ناصي
ريم..عوفيني اسراء لتاخذيني لغرفته والله يكتلني

فتحت الباب اسراء و دخلت و جرتني للغرفه
و رجعت سدت الباب
ريم..بقيت افرك ايد بأيد و ابجي

اسراء باوعت عليه و تخصرت
اسراء..شسووويتي حته هيج قاسم يعصب
ريم..اسراء لتخلي يضربني
اسراء..احجيلي حته افتهم بالاول
رفعت ايدي و مسحت دموعي و شهكت

هيه اجت تقرب و لزمتني من كتافي
اسراء..هدي هدي يلا بس احجي شسويتي مو حيجي و اني ممفتهمه شي
بلعت ريكي و باوعت عليها
ريم..مو رحت اخذ الحلاوه..دخلت للبيت و انتظرت حمزه يرجع هو و الماعون..احجي و ابجي و اسراء تباوع عليه و عاكده حواجبهه
اسراء..اي كملي

ريم..سألني قبل لا ارجع انتي ليش تبتسمين كل متشوفيني
كتله اني احبك و من كتله طلع عمو قاسم و امه بالاستقبال و سمعوني..كلت اخر كلمه و كمت ابجي

اسراء وخرت و حطت ايدهه ع حلكه مستغربه
وخرت ايدها
اسراء..ولج عزه العزااااج انتي كلتي لحمزه احبك
هزيت راسي و حطيت ايدي ع وجهي ابجي
بقت اسراء صافنه عليه من الصدمه حته متعرف شتحجي و شنو تسوي

دخل علينا قاسم و هو عصبي..بسرعه فزينا اثنينا
و هو سد الباب و قفله
ريم..بسرعه كمت ارجع ليوره ع كيف
و هو باوع ع اسراء و اخذ نفس

اسراء راحت وكفت كدامه
..صدكني هاي امهه اكيد دتعلمهه هل سوالف صدكني
غمض عيونه بصبر
قاسم..اسراء وخرررري و لتحجين حرف اني اشوف شغلي وياها
اسراء..قاسم متمد ايدك عليها
قاسم..مو انتي التعلميني شسوي داكلج وخري من طريقي