أسيرة في موطنك (مكتملة)

البارت الثالث و العشرون

مساء الخير احبتي
اتمنى لكم قراءه ممتعه ❤

بقلم: زهراء البياتي

حقي من ادكن حيل و ابجي على حالي
محد ولاه الضيم مثل الجرالي

بارت طويل لعيونكم❤

حمزه..هيج حضني عجبج
بسرعه فتحت عيوني و دفعته من صدره بس هو ابتسم و رجعني لحضنه و همس
حمزه..عادي اني هم عاجبني تره حضنج
بلعت ريكي وخرت منه بسرعه و درت وجهي اعدل بشعري. و مدنكه من الارتباك و الخجل اتمنى الكاع تنفتح و تبلعني و اختفي بهل لحضه.

حمزه..احم. صعدي نامي يلا
اخذت نفس و رجعت باوعت علي مجتف اجه و متكي ع حايط و ضام ضحكته.
حجيت بارتباك
ريم..اي هسه اصعد
حمزه..اصعدي كدامي
هزيت راسي بسرعه و فتت من يمه..اخذت نفس و كمت امشي عسريع و هو وراي يمشي ع كيف

صعدت قبله و بسرعه درت وجهي شفته يصعد الدرج و يفرك بلحيته.. رجعت بسرعه دخلت لغرفه خاله صبا
و اخذت نفس.. اني شلون حضنته..حطيت ايدي ع حلكي مستغربه..بعدين وخرت ايدي و حجيت بصوت ناصي بيني و بين نفسي
يعني قابل اني الحضنته هو الحضني يعني هو صوجه بعدين هذا الحايط شلون هيج يسوي. مرات ما افهمه شيريد..جريت نفس و مشيت ع اطراف اصابعي حته متكعد خاله صبا.

نمت بفراشي و تغطيت.. ابتسمت بس رجع الموقف كدام عيني..صفنت ع روحي يا شبيه اضحك يمكن تخبلت نفسه..اخذت نفس و غمضت عيوني و كل ما افكر بي انفض الافكار من بالي و افكر بشي ثاني لحد منعست و نمت.

وره يومين بعد ما رجعت ماما و عمو خالد .. جنت احضر بجنطتي و الفرحه متنوصف
و اخيرا حشوف براء.. رحت للكنتور و طلعت محبس زيدون اخذته و رجعته للجنطه وياي هو و دفتر الرسم.
دخلت خاله صبا للغرفه و ابتسمت

صبا..يمه ريمه شوفي حطيتلج اكل هنا..اعرف بحمزه ميقبل ياخذ و مايكل انتي بالسياره اريدج تصيرين شاطره و توكلي و اذا كلج مطعم ترزلي..لان احنه منا دنجمع بالفلوس علمود المحل و هو يصرف منا

هزيت راسي
ريم..ماشي خاله
صبا..اي يمه زين تسوين
حطت علاكه الاكل المليانه مواعين مسلفنه و بيها فطاير و حته كليجه حاطه. و طلعت من الغرفه
ضليت صافنه..ديجمعون للمحل و اني اجيت كعدت يمهم اكل و اشرب..اخذت نفس و كعدت يم الجنطه افكر..امنيتي عندي شغل او شي و اساعدهم احسن من ما كاعده هيج.

انفتح الباب و دخل حمزه كال عسريع
..يلا امشي نزلي اتأخرنا
فزيت و باوعت علي
ريم..اجيت
راح نزل جوه و اني كمت عدلت شعري و اخذت الجنطه و علاكه الاكل.

نزلت و لكيت خاله صبا بالباب تقره ايات و تنفخ و بأيدها طاسه مي.. رحت يمها اول مشافتني حضنتني
صبا..يمه ديربالج ع نفسج
وخرت و باوعت عليها
ريم..انشالله خاله وانتي هم لتعبين نفسج هواي
ابتسمت و مسحت ع شعري
صبا..توصلين بالسلامه بنيتي