أسيرة في موطنك (مكتملة)

البارت الخامس

مساء الخير أحبتي
أتمنى لكم قراءه ممتعه❤

بقلم: زهراء البياتي

ريم..فتحت اصابع ايدي..باوعت ع محبس و ابتسمت
ضميته بالجيب و شلت العلاليك و دخلتهن للبيت
رحت للمطبخ و شفت عمو اشرف يدخن
من شافني ابتسم
اشرف..جان كتيلي اني اشتري
ريم..لا اني حبيت اشتري
طلعت الغراض و كعدت بالكاع لان المطبخ مابي ميز

عمو اشرف كام و طلع من المطبخ
طكيت ٤ بيضات و خبطت وياهن جبن
و حضرت الصينيه و كصكصت الطماطه و حطيتها بماعون..من صار البيض..اخذت الطاوه و حطيتها بالصينيه..و صبيت الجاي

اخذت الصينيه..ورحت للصاله حطيتها ع كاع و اذكرت الخبز..رحت للمطبخ اخذت العلاكه ومن رجعت لكيت عمه سناء كاعده و تباوع عليه
حطيت الخبز كدامها و حته بدون متكول عاشت ايدج كامت تاكل
رحت اني صعدت فوك حته اكعد خواتي..لكيت زهراء كاعده بس براء بعدها..كعدتها و نزلنا جوه و طبعا ماشالله عمه سناء ماكله نص الطاوه

كعدنا و اجت بيبي هم تشرب جاي ويانا بس مأكلت هواي..اني هم مأكلت حته خواتي ياكلن
و عمه سناء اباوع عليها متكول هذول أطفال كعدت تاكل و كل لكمه بكد ايدها

و ع غده كامت عمه و سوت مركه طماطه و تمن ابيض
طبعا المركه مطيبه و فاهيه..انعصر كلبي ع خواتي..بدي اخذهن وياي هناك و اوكلهن الدجاج و اللحم

جنت كاعده بالصاله و فرشت جرجف نضيف و بيبي كعدت و خلت راسي بحضنها
بهية..تذكرين من جنتي صغيره و العب بشعرج
هزيت ايدي
ريم..شلون ما اذكر بيبي
بهية..بعدج تصيحيني بيبي
رفعت راسي و باوعت عليها
..و تبقين طول عمرج بيبيتي الحنونه..ام كلب الطيب..تقربت و بست راسها..وخرت و ابتسمت
حته عمه سناء تبقه عمتي لو مهما يصير انتو ربيتوني

اباوع ع عيونها دمعت
بهية..والله اني هم احسج حفيدتي و بعمري مفرقت بينج و بين خواتج..و حتبقين بكلبي معزه الج خاصه
ابتسمت و رجعت نمت بحضنها
بهية..وين خواتج
ريم..شو تغدن ورجعن نامن
بهية..اي هنه هيج دائما العصر ينامن
هزيت راسي

بهية..شبيج شو احسج مهمومه
اخذت نفس
ريم..بيبي خايفه
بهية..من المستقبل مو
ريم..شلون عرفتي
بهية..اعرفج..لو اي وحده بدالج تخاف المريتي بي مو قليل..من عرفتي إنتي ابن سلمان..و هذا الاول مفتحتي عينج و شفتي كدامج طلع مو ابوج و نوب امج اخذتج و بعدتج عن خواتج..بس لتخافين اني عندي احساس حيكون مستقبلج احسن مستقبل
ريم..بيبي
بهية..عيونها
ريم..منين تعرفين سلمان ابويه؟هستوج كلتي اسمه

بهية..اعرفه.. امج حاجيتلي و اعرف امه
ريم..خالتي يعني
بهية..اي
ريم..وينها..اذا بابا مات وين راحت امه لبابا
بهية..يكولون تخبلت من سمعت وفاه ابنها..و امج سمعت شانقه روحها..بس ممتأكدين لان من يوم وفاه ابوج هيه اختفت..و من صرتي انتي يمكن ٤ سنوات هيج سمعنا البيت انباع..المن و شلون مندري
بقيت صافنه وافكر معقوله تكون عايشه؟