أسيرة في موطنك (مكتملة)

البارت العشرون

مساء الخير احبتي
أتمنى لكم قراءه ممتعه

بقلم: زهراء البياتي

ريم..فتحت عيوني على كيف و كمت امط بجسمي
و اثاوب..باوعت الغرفه ضلمه..رفعت راسي و فركت عيوني على كيف..اخذت نفس..كمت من الفراش و رحت شعلت الضوه..باوعت الساعه بال 7 المغرب
حيللل شكد نايمه اني لعد.

طلعت من الغرفه و رحت للحمام..غسلت وجهي و شلت شعري على شكل عالي.. طلعت من الحمام و جاي اني الدرج و سمعت صوت خاله صبا تبجي و تحجي ويا حمزه
صبا..اني عبالي تعقد عليها و تعوفها هنا..حته ميحتاج تلبسون حلقات ماريد الناس يعرفون بيك متزوج وحده و نوب مراهقه و بدون عرس و لا شي
حمزه..يمه رحمه لاهلج على شنو هل بجي غير افتهم..تره سويت هيج و حلقات حته بس خالد العار يصدك بس تره اني مرحت علنتهه للعالم و اصدقائي
صبا..اكيد يسمعون الناس
حمزه..شلون يسمعون بلا اذا انتي متحجين
صبا..شمدريك ما حليمه امها تحجي او عمك سعدون

حمزه..كافي يمه كافي راسي حينفجر
صبا..اتمنيت اسويلك عقد الكل يحجي بي و عرس
حمزه..انشالله تسويلي بعد اربع خمس سنوات
صبا..منو تقبل بيك و انته متزوج
حمزه..من اطلكهه
صبا..حمزه اني سويت هل شي لالله و البنيه ححطها بعيني بس ماكو اربع سنوات اكثر شي و اطلكهه و اروح اخطبلك المره الاني اريدهه و ازفك بأيدي
حمزه..انشالله يوم انشالله

ريم..رجعت للغرفه..دخلت و سديت الباب على كيف
رحت للفراش كعدت و حطيت اييدي ع راسي بتعب
حقهه خاله صبا بكل التحجي و خاصه هو ابنها الوحيد
بس اني اربع سنوات و خمسه وين اروح شيصير بيه يربي..رفعت راسي واخذت نفس. بقيت كاعده بالغرفه افكر.

سمعت صوت درج و حمزه من فوك يصيح ع امه
حمزه..لا ما اتعشى شبعان
راح دخل لغرفه لان سمعت صوت باب انسد.
اخذت نفس و رحت فتحت الباب و طلعت ع كيف.

نزلت جوه.. دخلت للاستقبال
شفت خاله صبا كاعده و حاطه ايدها ع خدها
من شافتني رفعت راسها و ابتسمت
صبا..ها يمه كعدتي من النوم
هزيت راسي
ريم..اي خاله
صبا..حمزه راد يكعدج ع غده بس شافج نايمه..سد الضوه عليج و كال عوفيها تنام

ريم..اي ماعرف شبيه ههه نمت هواي
صبا..اكيد جوعانه يمه
استحيت اكلها اي
..لا مو كولش
صبا..لا يمه من الصبح مماكله شي بس اتريكتي خلكوم اسويلنا عشى اني وياج
ريم..اوكفي خاله اكعدي بمكانج اني حروح اسوي العشى و اجيبه هنا
صبا..لا يمه انتي ارتاحي
ريم..لا خاله والله اني ارتاح اذا اساعدج
ابتسمت و رجعت كعدت بمكانها
..براحتج يمه بس اتعرفين انتي
ريم..اي متعلمه كولشي من جده فوزيه
صبا..ها اذا من اخيتي متعلمه لعد هاي انتي طباخه
ريم..مو طباخه كلش بس نكدر نكول طباخه شويه
ضحكت و هزت راسها

ابتسمت و طلعت من الاستقبال
اخذت نفس..و كلت لنفسي من اليوم اساعدهه بكل شغل البيت حته شوي اني ارتاح احسن من ما كاعده و هيه تسوي كلشي
رحت للمطبخ..فتحت الثلاجه و ضليت صافنه شنو اسوي..بالاخير قررت اسوي لحم و طماطه و بيتنجان اكلي و بتيته هم.
بقيت بالساعه و نص اكصكص و اكلي و اني بشغلي سريعه يعني بثنين ايديه اشتغل و اكصكص هم بسرعه يعني ما اطول هواي.
جبت الصينيه و حطيت الخبز الحار و ماعون اللحم و طماطه و بيتنجان المكلى بماعون و بتيته هم.
طلعت طرشي من الثلاجه و حطيت هم بالصينيه و استكانين جاي.