أسيرة في موطنك (مكتملة)

البارت الرابع و العشرون

مساء الخير احبتي
اتمنى لكم قراءه ممتعه❤

اصـفـن واحـاجـي الـروح ويـن أحـنـه جـنـه
هـم تـرجـع الأيـام ويـلـتـم شـمـلـنـه

بقلم:زهراء البياتي

زيدون..ريم تزوجتي؟؟
بلعت ريكي
ريم..اي
رفع حواجبه متعجب
زيدون..شنو اي شنو اي شدتحجين

صفنت بوجهه لان جان كلش مصدوم
ريم..راح افهمك كلشي
زيدون..مداستوعب شلون تزوجتي.. يعني ريم احجي الصدك دتضحكن عليه؟؟
ريم..لا زيدون اني صح تزوجت
زيدون..شلووووون شلووووون منو تزوجتي زين شوكت تزوجتي اصلا. 

هزيت راسي و طلعت بره و سديت الباب
ريم..راح افهمك كلشي بس خلينا نكعد هنا بالحديقه
هز راسه و راح للحديقه كعد ع البايه و ضل صافن كدامه و يهز برجله.
رحت اتقربت منه و كعدت يمه
زيدون..منو تزوجتي
ريم..بس خلي احجيلك بالاول كلشي حته تفهمني.

سكت مجاوبني
و اني ضليت احجيله كلشي من البدايه من يوم حنه اسراء و شنو صار وياي ويا زوج امي.. و هو كل ما احجي يفز و يباوع عليه مصدوم عبالك الديسمعه مو حقيقي.
و صلت للنهايه و اني احجيله عن براء شلون طردتني من غرفتها و متريديني يمها و هو ضل صافن عليه مستغرب

ريم..هذا كل الصار
دار وجهه و حجه بعصبيه
..غلللللط السووويتي غلللط شلون تزوجين شلووون
جان رجعتي هنا بذاك الوكت اختج جان كيفت  بيج و عمي اشرف هم
ريم..و زوج ماما بنظرك حيعوفني
زيدون..اكيد هو راد يأذيج و مكدر و من شافج فضحتي مراح يتجرأ مره ثانيه يتقرب منج
ريم..انته ماخذ كلشي بساطه زيدون
زيدون..كولي انتي حبيتي هذا المدري شسمه و تزوجتي كولي عادي مابيها شي كولي عاجبني

صفنت بوجهه
ريم..انته شبببيك شنو عاجبني و شنو احبه.. و بعدين شنو تحملني ذنب لان مرجعت هنا..هو هسه رجعت و اختي طردتني و عمو اشرف و عمه سناء يمشون و يطردون بيه تريديني ارجع اعيش يمهم..انته ماخذ كلشي بساطه و لا عبالك اكو شي.
زيدون..مماخذ كلشي بساطه انتي صح مريتي بضروف صعبه بس زواجج غلط..باجر عكبه راح من يطلكج يسموج مطلقه.

ريم..خلي يسموني ميهمني شنو الناس تحجي عليه
و لا يهمني رئيهم او نضرتهم عليه..اني اريد اعيش بيت بكرامه و بدون اهانه.. و اكمل دراستي بدون خوف.
زيدون..جان كملتيها هنا
ريم..انته شبيك مدتفهمني
زيدون..ريم انتي حبيتي هناك بديالى واحد و تزوجتي ليش متكولين هيج..ميحتاج اتألفين قصه و هل جذب كله
ريم..تعرف شي اني الغبيه الكاعده احجيلك كلشي
كمت و جرني من ايدي رجعني لمكاني

زيدون..كعدي
دفعت ايده
ريم..وخر
كام وكف و اني بسرعه قبله كمت و دخلت للبيت.. سديت الباب و دموعي تنزل.. و هو اجه وراي اسمعه يحجي 
زيدون..ريم فتحي لتسوين هيج
اخذت نفس.. و فتحته
ريم..زيدون روح مجان ناقصني غيرك..جنت اعتبرك صديقي و ردت احجيلك كلشي و تساعدني و تحجي ويا براء بس انته اتغيرت هواي نفس ما الكل تغير وياي.
زيدون..ريم اني اسف
ريم..ميحتاج تعتذر هاهيه اني اسفه لان دوختك
تكدر تروح هسه