أسيرة في موطنك (مكتملة)

البارت الثاني و الخمسون

مساء الخير احبتي
اتمنى لكم قراءه ممتعه

بقلم: زهراء البياتي

ريم..صفنت بوجهه و هو تنهد و باوع عليه و رجع باوع ع طريق و عكد حواجبه
قاسم..هاي وين فتت حته الطريق تيهته خرررب يومممج كله بسسببج يا غضب
لاف السياره و رجع

اني رجعت عدلت كعدتي و ضليت اباوع كدامي بصدمه
لحد ما هو حجه بهدوء
قاسم..انتي امانه اسراء و غاليه عليه لهذا اخاف عليج نفسج ما اخاف ع حمودي.. لتفهمين قصدي غلط
هزيت راسي بتفهم و درت وجهي ع جامه
و كلمته مال من محبتي الج ترن بعقلي
معقوله عمو يحبني.. نفضت افكاري و كلت بيني و بين نفسي مستحيل هل شي.

وصلنا للبيت و اني بدون ما اباوع علي
نزلت و سديت باب السياره
و دخلت بسرعه ع بيت بدون ما التفت بس حسيته بقه بالسياره يباوع عليه.

ريم..بيومها بليل الساعه بال ١٢ جنت بفراشي اتكلب و افكر براء.. لازم اروح اني للعرس..لازم ارجع اشوف اختي.. نمت ع ضهري و ضليت افكر و اكل بروحي
بس متحملت و كمت ع كيف و رحت اتمشى للباب ع اطراف أصابعي.. فتحت الباب و طلعت من الغرفه.
رحت لغرفه عمو قاسم و جنت افرك ايد بأيد.. بلعت ريكي بأرتباك و دكيت الباب ع كيف لا الباقين يكعدون.

اول مدكيت مأجاني صوته..رجعت هم دكيت هم ماكو
عكدت حواجبي..و تقربت من الباب حطيت اذني اسنط
ماكو صوت.. رجعت اخذت نفس و دكيت حيل ع باب
هم مأجاني صوت. درت وجهي ردت ارجع بس ماعرف شنو المنعني.
رجعت اباوع ع باب و اني خايفه.. معقوله عمو طالع بس اليوم مو نهايه اسبوع.. بللت شفتي.. و ذكرت من خله حمودي ينام يمي.. ماطول يمي اليوم حمودي يعني طالع.

متحملت و تقربت من الباب..لزمت اليده و ايدي ترجف
فتحت الباب ع كيف.. حته ليطلع صوت..جان ممقفول
اول منفتح..مديت راسي الغرفه جانت ضلمه و ممبين منها اي شي.. بلعت ريكي و ماعرف شلون تجرئت و فتحت الضوه.. و جنت عبالك بفلم رعب خايفه لا يطلع عمو بالغرفه.. بس طلع مموجود و الفراش فارغ!!!

جريت نفس براحه..و ضليت واكفه اباوع ع غرفه و اني افكر.. حته لو طالع شعنده عمو لهيج وكت و بعده بره البيت.. اخخ امنيتي اعرف وين يروح.. معقوله حجي ماما صح و يروح لنسوان.. ضليت افكر.. و ردت اطلع من الغرفه.. بس كلت ماطول هو مموجود خلفتر بيها
دخلت ع كيف و ضليت امشي و اباوع ع غراضه

جذبني كل ميز بغرفته..متروس ستاندات صور اسراء
من شفت صورها دمعت عيوني.. اخذت الستاند   ضليت اباوع على صورتها..جانت الصوره كاعده اسراء ع قنفه الاستقبال و لازمه استكان الجاي و ضحكتها شاكه حلكها بفرح ..شلون ضاحكه و فرحانه
ضليت امشي اصابيعي ع الصوره و دموعي تنزل
ريم..شكد مشتاقه لضحكتج
قربت الستاند و بست صورتها.. و رجعتها بمكانها.
رفعت راسي و اني اخذ نفس..  مسحت دموعي و
رجعت درت وجهي و رحت امشي ع كيف  سديت ضوه الغرفه و طلعت.