أسيرة في موطنك (مكتملة)

البارت ٦٢

مساء الخير احبتي
اتمنى لكم قراءه ممتعه

بقلم زهراء البياتي

قاسم..انتي نقطه ضعفي
كالها و اني كلبي زادت دكاته..مثل الطبل
بلعت ريكي.. و هو بقه حاضني معافني الا اني ابتعدت شوي..رفعت راسي باوعت بعيونه.. و احس روحي ممصدكه الصار..جنت متخيله راسي ينكسر لو جسمي يزورك من الضرب.. متخيلت يجي يحضني و يكولي هل كلمتين
باوع بعيوني و تقرب كلش من يم شفايفي..و راح يم اذني شاورني
قاسم..كلشي و لا تخافين مني.

دمعت عيوني و رجع جرني من ايدي و كعدني ع جربايه.. هذا كله و جنت اني بحاله صدمه و نفسي يصعد و ينزل.. كعد يمي ع طرف الجربايه.. و اخذ ايدي.. لزمني حيل.. جنت اباوع عليه متفاجئه من تصرفاته.
قاسم..اني اسف
كتلها و رفع راسه باوع عليه
ريم..ها
قاسم..اني اسف..غلطت بحقج.. و السويته اكبر غلط
فتحت حلكي.. و كمت ارمش بعيوني.. و بداخلي اكول معقوله هذا حلم و راح اكعد من الحلم فازه؟!

عاف ايدي.. و راح وكف ع حيله و هو يتنهد.. مشى للميز..اخذ باكيت الجكاير و طلع وحده يورثها..بقيت اني بمكاني مجمده بس نفسي الينسمع.
قاسم..جنت عصبي منج.. و اتصرفت بلا وعي
و الشي الشفتي جوه مراح ينعاد بعد
اخذ الباكيت مال جكاير كله..و عافني و طلع من الغرفه.

بس طلع جريت نفس براحه و لزمت كلبي
احس عشت فلم رعب.. و على لحضه انكلب الفلم عليه.
كمت من مكاني و رحت للحمام غسلت ايدي و وجهي.
بالمي و الصابون.. باوعت ع وجهي..اصفر من الخوف.
تنهدت و رجعت للغرفه..رحت يم الباب حطيت اذني.
مسمعت صوت..وين هو هسه؟ معقوله بعده جوه لو طلع؟! ردت اطلع انزل اشوفه بس من الخوف و الهبطه
ؤحت للفراش مددت و كمت اباوع ع سكف.

قاسم يعتذر مني و يكلي نقطه ضعفي انتي
وراهه يعوفني و يحجي وياي برود و يكلي مراح ينعاد الشي الشفتي.. ليش هيج ديتصرف وياي..شنو معنى تصرفاته.. حطيت ايدي ع وجهي بوجع و بقيت افكر بالساعه..يلا غفيت.

ثاني يوم كعدت الساعه بالتسعه الصبح.. باوعت الغرغه فارغه..قاسم ماكو!
نزلت من الجربايه و اني اشيل بشعري.. رحت للحمام غسلت و نزلت جوه..دخلت للاستقبال..جان بطل الشرب مموجود و الكاع جانت ممسوحه عبالك منظفه.
رجعت للمطبخ و فتحت عيوني بأستغراب!

وكفت يم الميز.. و اني اباوع ع الأجبان و الزيتون و حته خبز بعلاكه حاط ع ميز.. ابتسمت و باوعت ع سنك مكلوبه الدنيا..مدري شمسويه.. بس الميز جان مرتب و حلو.. كعدت و حطيت ايدي ع خدي و اني مبتسمه. ممتعوده اجي الكه واحد مسويلي ريوك من الصبح.
عدلت كعدتي.. و اخذت خبز.. و كمت اكل و اني فرحانه.

من خلصت كمت نظفت المطبخ.. و مسحت الكاونتر و اخذت ادوات التنظيف و مسحت البيت كله..و حته الاخشاب لمعتهن.
ردت اطلع للكراج هم اغسله..بس افتح بالباب مينفتح مقفول! و المفتاح ماكو.