مساء الخير احبتي
اتمنى لكم قراءه ممتعه
بقلم: زهراء البياتي
رمضان كريم عليكم حبايبي ❤
و اسفه ع يومين الانقطاع بسبب ايدي بس لحد الان بعدني ما اكدر احركها.. و هذا البارت كتبته بمساعده زوجي نصه هو كتبه و اني اكله 😂💔
صدك عذبني و يعاندني هواي و ميعجبه احداث و يريد يغير بكيفه 😒 و كلساع متعاركين بس المهم انكتب 😂💔
رجع باوع ع بيبته
قاسم.. اني ححجي ويا ابويه و امها لان الظاهر حجيه انتي معاجبج تحجين وياها..مع العلم جنت حاسبج بحسبه امي و قبل الكل كتلج و كلبت منج تحجين بس يلا مو مهم .. احنه حنتفق بيناتنا ع الخطوبه و كلشي.. و ريم حتنزف من هذا البيت و هيه لابسه فستان ابيض
ماما بسرعه رفعت ايدها و ضلت تهلهل
حليمه..كلللللللللللللللللللللللللللللللللوشششششش مبارك مبارك
ريم..كولش استحيت من تصرف ماما و اتمنيت تنشك الكاع و تبلعني.. بقيت مدنكه مرفعت راسي.. بس بيبي أمينه ضاجت كولش و طلعت بسرعه من المطبخ بدون متكول شي.
و قاسم طلع وراهه و هو يستغفر ربه
من طلع عاد اني هنا رفعت راسي
باوعت ع ماما تباوع عليه و مبتسمه و خاله خلود هم عبالك ممصدكه
حليمه..يمه متتخيلين شكد فرحت..اجت يمي و ضلت تمسح ع شعري
بس ها اني ححجي ويا قاسم اريد ع اصول يطلبوج مني و من عمج خالد.. لان قابل شنو جننطيج فصليه
احنه.. فلهذا لازم كلشي ع اصول يصير
باوعت ع خاله خلود و كالت
مو صح هيج
خاله خلود هزت راسها و دارت وجهه ع كاونتر تشتغل
عرفتها انقهرت و ماما بقت تحجي فوك راسي و فرحانه عبالك عرسها.
كمت من الميز و كتلها
ريم..انتبهي ع حمودي ماما
حليمه..وين يمه تعاي نحجي..سولفيلي شلون قبلتي بي ولج
طلعت من المطبخ و هيه اجت وراي
درت وجهي و باوعت عليها
ريم..قبلت بي و خلص..انتي مو هذا الجنتي تردي هاهيه صار
حليمه..اي بس انتي جنتي كلش رافضه شغير رئيج؟
بس اني اعرف شغيره من شفتي اختج متريدج كلتي بعد محد الي بس قاسم..زين سويتي يمه لان صدكيني راح ترتاحين يمه هواي
مجاوبتها درت وجهي و صعدت فوك للغرفه
هدى ضلت تحجي وياي و اني اصلا بالي مو يمها
لان اعرفها من حتعرف بالسالفه هم حتكرهني اكثر
بقيت بالغرفه افكر و هدى نزلت جوه
باوعت ع نفسي و ضليت احجي بيني و بين نفسي
يعني اني هسه معقوله حزوج قاسم؟؟ بعمري مجنت اتخيل هيج شي يصير وياي! جنت اطلع وياهم للبستان من يتواعد ويا اسراء و هسه اني حزوجه و اسراء جوه التراب؟! نزلت دموعي ع خدي و باوعت ع سما من الشباك اليمي
ربي صبرني ع الدامر بي.. صبرني يا ربي احس كلبي حيوكف.. شلون هيج حسوي بأختي الجوه التراب شلون راح اخونها
رجعت باوعت كدامي و حطيت ايدي ع وجهي و ضليت ابجي.
بقيت ع هل حال..لحد مدخلت هدى و هيه مصدومه
هدى..ريييم
بسرعه مسحت دموعي بجف ايدي
و باوعت عليها..كتلها بنتر
ريم..هااااا
هدى..السمعته صحيح؟؟
ريم..اي
فتحت عيونها ع وسعهن عبالك ممصدكه
اني درت وجهي ع شباك لان مجان الي خلكها ابد
هدى..انتي صدك طلعتي نذله بحياتي مشفت هيج انسانه جذابه و منافقه و خاينه نفسج..هه و جنت عبالي تحبيها لاسراء و البجي عليها و ادمرت نفسيتج طلع كله هذا جذب..و حته تقربج من حمودي جنتي تتعمدين تسوين هيج حته قاسم يقبل بيج.. طلعتي مننننن صدددددك وحده حيه
أنت تقرأ
أسيرة في موطنك (مكتملة)
Tiểu Thuyết Chungقصه عراقيه..حقيقه فتاه صغيره..تعيش مع أبيها و خواتها تتغير حياتها حين تعلم أنها أبنت شخص ثاني و تنتقل للعيش مع أمها فماذا تواجهه من صعوبات؟ و ماذا يكون مصيرها زهراء البياتي
