مساء الخير احبتي
أتمنى لكم قراءه ممتعهاسفه على التأخير
بارت طويل لعيونكم❤بقلم: زهراء البياتي Zahraalbayati
ريم..مرت اسابيع و اني يومي نفس اي يوم يمر
اتأقلمت هواي ويا خاله صبا.. ضليت كل يوم اساعدهه بغسل المواعين و التنظيف لان احس هذا اقل شي اقدمه الها. أما حمزه فكمت اتجنب شكد ما اكدر حته ميرزلني.. و اغلب الاوقات من هو موجود اصعد بغرفتي و من يصعد لغرفته انزل يم خاله.الساعه بالعشره و نص بليل
جنت لازمه كتاب التاريخ و اقره بي..سمعت خطواته و بعدين صوت باب ينسد. عرفته صعد لغرفته
اخذت الكتاب و رحت طلعت من الغرفه.نزلت جوه..دخلت للصاله و ابتسمت بوجهه خاله صبا
صبا..هلا يمه هلا تعالي
رحت كعدت يمها و الصوبه بنصنا و حاطه القوري
و الكعك محضرته.صبا..محضرتلج كلاصج
ريم..اي والله خاله اصلا تدرين صار عندي روتين الكعك و الجاي
ضحكت و ضلت تشوف الجاي. و اني كعدت اتمعن بوجهه و بالتجاعيد و ضحكتها الكلها حنيه.
اخذت الجاي و كامت تصب بالكلاصاتصبا..هاج يمه
اخذت الكلاص و حطت يمي الكعك
ريم..خاله
صبا..هاي يمه
ريم..قليل منج بهل زمن يعني قليل ناس يسون السويتي انتي و ابنج..استقبلتو بنيه غريبه
اخذت نفس و رجعت القوريباوعت عليه و ابتسمت
صبا..لان اني اعرف شنو معنى الانسان من يكون وحيد ماله احد..اني هم من بقيت وحيده ويا ابني و عندي بس اختي فوزيه شفت هل معاناه.. و من شفتج انتي هم نفسي ماعندج احد حسيت بيج يمه..و نفس ما استقبلنا عمج سعدون اني استقبلتج. و احنه بكلبنا رحمه و انسانيه منكدر نسد الباب بوجهه اي احد.
ريم..ربي يطول بعمرج خاله.
صبا..اكلي اكلي كعكج و الجاي ليبرد
ابتسمت و دنكت اكل و اقره بالكتاب.شويه و نزل حمزه.. استغربت لان نزل و استحيت اصعد فوك هسه يكول هاي دتشرد من وراي
صبا..ها يمه عبالي نمت
حمزه..مجايني نوم
اجه و كعد يمها
صبا..تعال بحضني يمه
ابتسم و مدد و حط راسه ع رجلها و هيه ضلت ادنك تبوس بي و تمسح ع راسه
صبا..يمه ربي ليحرمني منك و من هل طول الحلو
حجتها و دمعت عيونها
حمزه..ها بدينا ادري شايفتني لازم سلاحي و رايح للقدس و حموت يا يمه ع شنو ادمعين اشو كاعد يمج ها اها مابيه شي.ابتسمت و ضربته ع كيف
صبا..انزول عليك و على سوالفك
ضحكت ع شكلهم..و حمزه دار وجهه يباوع عليه
بسرعه اني دنكت و سويت نفسي اقره
صبا..هاي شنو هاي يمه
لزمت ايده و ضلت تباوع بقهر
شوف الجلد مالتك شصاير بي من الشغل
حمزه..تعبي و افتخر بي يمه
صبا..هسه باجر اسويلك مرهم و ادهنها لايدك
رفعت راسي و حجيت بصوت ناصي
ريم..زيت الزيتون يفيد اعتقد
أنت تقرأ
أسيرة في موطنك (مكتملة)
Ficción Generalقصه عراقيه..حقيقه فتاه صغيره..تعيش مع أبيها و خواتها تتغير حياتها حين تعلم أنها أبنت شخص ثاني و تنتقل للعيش مع أمها فماذا تواجهه من صعوبات؟ و ماذا يكون مصيرها زهراء البياتي