أسيرة في موطنك (مكتملة)

دردشه+ حقائق واقعنا

مساء الخير حبايبي

طبعا اليوم ماكو بارت اليوم استراحة

تعرفوني اني من يكون موضوع مهم اريد احجي وياكم بخصوص القصه احجي 😂💔
و بخصوص اخر بارت نشرته. اولا شكرا لتفاعلكم الحلو
❤❤

ثانيا اكو موضوع لازم احجي بي🙂

البارحه بالبارت..بمقطع قاسم من راح لصديقه جعفر
و صديقه جان يشرب و نسونجي.
صارت كومه تعاليق سلبيه
من قريت التعاليق هيج جان وجهي 😳

وحده كاتبه ايع الثانيه كاتبه شكد خاين
الثالثه كاتبه عزه نوب طلع عنده سوالف بنات و يشرب و وحده كاتبه شكد تلعب نفسي من هيج اشخاص

بصراحه ضحكت 😂💔
ليش؟
لان ماعرف احس اكو فئه من المتابعين معايشات بالواقع
معايشات ويانا..عبالك عايشات بكوكب المريخ
صدمتهن بالشرب و البنات مو طبيعيه.
و صدمتهن اكبر لان قاسم جان عنده هيج سوالف

اني ححجي نفس كل مره و اوضح شي
راح اكولها طك بطك اعتبرونا دندرش بيناتنا 😂❤
اني داكوللكم ٩٠% من الشباب عدهم سوالف البنات
و يمكن ٦٠% من الشباب عدهم سوالف الشرب
و هذا واقع

تره يا حبايبي
قليل قلييييل جدا تلكون شاب ماعنده سوالف بنات
و هذا واقع!
تره كوووومه بالعراق اليشربون.. و كووومه اليرحون للملاهي..و كومممه اليرحون للشقق ايأجرون نسوان بفلوس..كوووووووومه كوووووووومه

اخويه بالعراق يحجيلي سوالف
اضل صافنه ممصدكه.. بس بعدين كمت ما اصدك
لان هو هذا واقع اغلب الشباب او اكثريه!!

بس طبعا مو كلهم سوه.. دائما اكو شباب يزوجون و يبعدون نفسهم عن هاي السوالف.
و هم بالاضافه اكو هواي هوايييي مزوجين و عدهم هم سوالف مكسسسسره للأسف💔💔

هنا اريد انتو تكتبون تجاربكم او اشخاص تعرفوهم او قصص سامعيها عن اشخاص/افراد شايفيهم سامعين بيهم يشربون و عدهم هل سوالف..خلي نشوف التعليقات يجوز اطلع اني غلطانه و كل الشباب ماعدهم هيج سوالف

بالنسبه الي اني.. من اسأل زوجي و احلفه اكله قبل متزوجني هم جان عندك هيج سوالف
يكولي اجذب عليج اذا اكلج لا..مجنت اشرب بس جنت مصادق كومه بنات 😂💔 و كلي ازوجتج و بعد بطلت
(شحده ميبطل غير اموته😂💔)

يلا كتبولي قصص عايشيها او تعرفون هيج شباب بالعراق او اقارب العدهم هل سوالف..و اني حتابع التعليقات

مع السلامه

زهراء البياتي