مساء الخير احبتي
اتمنى لكم قراءه ممتعه
بقلم:زهراء البياتي
اسفه هواي ع تأخير بس وره ال ١٢ يلا بديت اكتب بالبارت.. مكتبته من وكت لان صار عندي شغل هواي.. و بلكوه لحكت اكتب 2000 كلمه. باجر حنزل بارت ثاني لان هذا قصير
ريم..عمو طلكني
قاسم..ماشي مو هسه فد شويه عود
ريم..شنو فد شويه تره داحجي صدك
دخلت ماما و هيه تضحك بجامله و تحجي
حليمه..ههههههه معليك بيها يمه..هاي دتحجي هيج من حركه كلبها
وكفت يمي و جرتني من زندي بس اني وخرت ايدي
ريم..لا داحجي صدك
قاسم..شصاير
اثنينا باوعنا علي..اني ردت احجي بس ماما حجت قبلي
حليمه..ماكو شي يمه.. بس مو بيبتك الله يسلمها طردتني من البيت.. و اني ردت الم غراضي و اطلع
بس ريم مكدرت تشوفني اطلع من هل بيت و اعوفها.
فأجت يمك تخربط بالحجي
ريم..لا ماما
كرصتني من ايدي و باوعت عليها و حجت بحزن عود
يمه انتي بيتج هنا يم زوجج..و اني اروح لاي مكان عادي ارض الله واسعه
عكدت حواجبي شنو اي مكان شدتحجي ماما
قاسم..مطلعين من هل بيت.. و محد يكدر يطردج ماطول اني موجود
ماما باوعت علي
حليمه..شلون يمه..البيت هذا نصه بأسم ابوك و النص الثاني بأسم بيبتك..الها حق تطردني
قاسم..تبقين معززه مكرمه هنا .. لحد ما ابني بيتي و تجين تنقلين ويانا
بسرعه ماما ابتسمت بفرح
حليمه..يا صلاوات حتبني بيت؟!
قاسم..انشالله
حليمه..الله يسهلك يا يمه
قاسم..اني احجي ويا الحجيه.. بس كون متتحارشين بيها و اذا تحجي وياج و تذبلج حجي..اسكتي و تعاي كوليلي
حليمه..يا يمه اني مره فقيره..بروحيتي..لا اتحارش و لا اسمع احد حجي.. و اني البارحه الليل منمته والله.. ضليت افكر.. خالد و طردتو بعد منو يبقيني بالبيت
و من جهه فكرت اروحله لبغداد..بس مستحيل اصف ويا و اوكف ضد بنيتي.. زين و اذا اروح لبراء هم متريدني
قاسم..ميحتاج تحجيلي شي.. اني كلت تبقين هنا معززه مكرمه لحد منطلع بيت و انتي تجين ويانا
رفعت ايدها ماما و دعت
..ربي يوفقك و يسهلك و يفتح ابواب الجنه الك..مو باب واحد كون يفتح سبع ابواب.. و اشوفك بأعلى المراتب يا قاسم يا ابن سعدون
ريم..ضليت فاتحه حلكي.. هستوني اجيت حته يطلكني شو اتغير الوضع كله و ماما حتجي تعيش ويانا
حليمه..اروح لغرفتي..يمه محتاج شي
قاسم..لا
هزت راسها و باوعت عليه و هيه مبتسمه
حليمه..ابقي يم زوجج يمه شوفي خاف محتاج شي
عافتنا و راحت طلعت من الغرفه..ضليت صافنه..اجت هنا و دمعت عيونها و حجت حجايتين بقهر و كلتله اني ما اكدر اعوفها حته قاسم اصلا يبقيها يمي ..اويلي عليج ماما متوبين من هاي سوالفج
و اني ضليت ابجي و اتوسل بيها.
قاسم..اي شوكت ترديني اطلكج
باوعت علي و بلعت ريكي
ريم..ها
قاسم..ريم هاي الكلمه بعد متعيديها
سويت نفسي ماعرف
ريم..يا كلمه
قاسم..مال اطلكج
اني اعرف شنو دتفكرين هسه.. دتكولين زوج امي راح بعد شعندي ازوج.. ميحتاج احمي نفسي بعد و اروح اطلب الطلاك و ارتاح .. زين مفكرتي اذا اطلكج وين حتروحين.. حترجعين لاختج تتوسلين يم الباب؟
دنكت راسي و ضليت اباوع ع حمودي النايم
قاسم..حتبقين طايشه و تجفصين بالكلام
مدري شوكت تكبرين.. انتي هسه من اجيتي و طلبتي الطلاق دتحسسيني ردتي تزوجيني حته بس تخلصين من زوج امج.. هو انتي من نفسج و بدون ضغط من اي احد قبلتي بيه بعد ع شنو هاي السوالف.. لتحسسيني اني جابرج ع زواج.. و مره ثانيه اكلج كبري عقلج و لتبقين طايشه
باوعت علي بصدمه و هو هز راسه
قاسم..الحقيقه اضوج مو
أنت تقرأ
أسيرة في موطنك (مكتملة)
General Fictionقصه عراقيه..حقيقه فتاه صغيره..تعيش مع أبيها و خواتها تتغير حياتها حين تعلم أنها أبنت شخص ثاني و تنتقل للعيش مع أمها فماذا تواجهه من صعوبات؟ و ماذا يكون مصيرها زهراء البياتي
