أسيرة في موطنك (مكتملة)

البارت الرابع و الخمسون

مساء الخير احبتي ❤
اتمنى لكم قراءه ممتعه

بقلم: زهراء البياتي

قاسم..هسه اراويك الخوه..ضربه كله ع راسه و اني بسرعه عطت و عمو اشرف دنك ع زيدون الوكع بلكاع و هو يتوجع و لازم خشمه.

ريم..اتخبلت من شفته هيج.. بسرعه رحت لزمته من ايده و دموعي تجري ع خدي
توسلت بي بصوت ناصي
ريم..حباب عموو امشي نروح
وخر ايده بنتر و فرك وجهه بعصبيه..و عمو اشرف مدنك ع زيدون و يصيح
..هدو هدو و صلو ع نبي..صار سوء تفاهم

ريم..رجعت باوعت ع عمو قاسم الصاير نار من الاعصاب
هو باوع عليه و نتر بعصبيه
قاسم..طلعي كدامي
هزيت راسي بسرعه و طلعت من البيت و عيوني ع زيدون و عمو قاسم اخذ الجنطه وطلع وراي.
قاسم..للسياره بسسسسرعه

درت وجهي بعصبيه و رحت طلعت بره .. شفت سيارته مطبوكه كدام البيت.. راح فتح الصندوق و اني صعدت كدام و افرك  ايدي بأيد. هو من حط الجنطه رجع للباب قفل السياره و اني بيها و رجع دخل للبيت
حطيت ايدي ع حلكي..عزه راح شحيسوي معقوله يضربه مره ثانيه.

ضليت ع اعصابي بس هو متاخر..شوي و رجع طلع
اجه صعد يمي.. تنهد و شغل السياره .. اني درت وجهي ع بيت و بالي كله يم زيدون.. شغل السياره و ضل يسوق عسريع و اني كاعده ع اعصابي و افرك ايد بأيد.

متحملت اسكت..باوعت علي بعصبيه
ريم..فرحااااان عمو
قاسم..حسسسس ما اسمع منج
عطت بصوت عالي
ريم..لا تسمع حسي.. و ما اسكت و احجي الاني اريده و بكيفي.. السويته غلللط..فشلتني كدام عمو اشرف و زيدون
ضرب ع ستيرن قوي بحيث خفت بس مبينت اله اني خايفه.
قاسم..تسكتين لا ابتلي بيج و حق ربج
ريم..ما اسسسسسكت

باوع عليه بعصبيه
قاسم..مقهوره ع زيدووون مووو
ريم..زيدون صديقي صديقي
قاسم..من جنتو زعاطيط اي صديقج هسه اختلف الوضع..انتي متزوووجه هسه
ريم..مدخل الزواج بهل شي
قاسم..استغفرالله استغفرالله شلووون راح تخليني ابتلي بيج
ريم..شلون كدرت تسوي هيج كدام عمو اشرف..جان ع اقل احترمته
قاسم..مو انتي تعلميني الاحترام
و بعدين رجعت و اعتذرتله و هو اتفهم الموضوع لان لو اي واحد بمكاني جان سوه اكثر من هيج
ريم..محجه الولد شي غلط اصلا حته هيج اضربه
ديكولك يعتبرني نفس اخته اخته..تكوم تضربه لييييش

قاسم..يشاقه وياج شقه ماصخ و اسكت.. و ميحطلي احترام و لا عبالك اني موجود فوكاهه يباوع عليج بنضرات عبالك يريد ياكلج اكل مشيتها اله.. نوب اجي اسلم ع عمج يجي هو من وراي يوكف يمج .. يلزززك بيج و يشاورج..هذا كله و تردين اسسسسسكت مووو..شنو شايفتني انتي شاديلي كرون اني.. تره انتي زوجتي؟!.. و هو و لا عبالك..واحد  زعطوط ميحسب حساب لكلامه و تصرفاته .. اتخيلي اني عندي صديقه عزيزه عليه اروح الزك بيها و اشاورها يم زوجها؟؟ شحيكون رده فعله؟! هو لو صدك محترم و يعرف العيب..جان صاحج بخيتي..و اشاقه وياج شقه محترم  و يحترمني اني كوني زوجج.. بس نفس مكتلج هو واحد زعطوط..وانتي حضرتج مكيفه علي و جاي ادافعين.