مساء الخير احبتي
اتمنى لكم قراءه ممتعه
بقلم: زهراء البياتي
ريم..دمعت عيوني و رفعت راسي باوعت بعيونه
ريم..جنت تكرهني
قاسم..ما بعد الكره الا المحبه
ضليت صافنه بوجهه مفتهمت شقصده بس هو دار وجهه..انطته ماما سجينه حته نكص الكيكه اثنينا
هو لزمها و ماما جرت ايدي و خلتها فوك ايده.
كصينا الكيكه و اني وراهه بسرعه وخرت ايدي
ماما حطت قطعه كيكه بماعون و كلتله
حليمه..يلا يمه وكلها
هو باوع ع ماما و كللها بصوت عالي لان صوت النسوان عالي و الاغاني هم
قاسم..وره الكيكه اطلع غير
حليمه..يا ليش يمه غير تركصون سوه
قاسم..لا لا هيه تخجل و اني هم راسي كام يوجعني من الصوت
حليمه..هسه دوكلها..رجعت باوعت عليه يلا ريم هاج يمه انتي هم وكلي
اخذت نفس و رفعت راسي اباوع علي
هو بسرعه رفع ايده و وكلني قطه صغيره و اني هم بسرعه وكلته و درت وجهي ليكدام
هو بسرعه كام و ماما انصدمت
حليمه..يا يمه اوكف وراك عصير
قاسم..لا اختنكت هنا خلي تطلع
امينه..عوفي الولد عاد شجلبتي بي
حليمه..شبيج حجيه غير عرسان و نريد نفرح بيهم
اباوع ع عمو قاسم مهتملهن و طلع بسرعه من الاستقبال.
اني بس طلع جريت نفس براحه و رجعت ضهري ع كوشه و ضليت اباوع ع بنات اليركصن.
لليل الساعه بال ٨ يلا النسوان كامت تطلع و اني جنت كاعده و كلساع وحده تجي تباركلي و لازم اجاملها و اضل ابوسها.. بحيث هلكت من التعب ردت بس اصعد للغرفه امدد.
من راحن النسوان.. بسرعه نزعت حذائي بضيق و خاله خلود و هدى جانن ياكلن و يسولفن و هم جانن خطيه تعبانات.. اني كمت و اخذت الكعب مالتي و رحت صعدت فوك.. اول مدخلت للغرفه رحت للميز نزعت الذهب و دشداشه عريضه حته ارتاح.
و رحت بسرعه مددت بالفراش..اول ممدت عطت بوجع لان احس جسمي مدري ضهري كله متشنج
درت وجهي صفح و باوعت ع حلقه الي بأيدي.. ضليت اباوع عليها و افكر لحد منعست و غفيت بمكاني.
ثاني يوم كعدت مخروعه من صوت بيبي امينه و هيه تعيط عليه اني و هدى حته انظف البيت
أمينه..صدك متستحن..بارحه بس طلعن النسوان انتي صعدتي نمتي نفس المطيه و انتي الثانيه..باوعت ع هدى
ازقنبتي و رجعتي صعدتي و انطمرتي
هدى..بيبي شكووو شكوووو هسه شتردين
امينه..تكومين انتي وياهه و تنزلن جوه تنظفن البيت صاير خيسه خيسه
هدى..تعبانات
ريم..اني متكسره تره
امينه..تكوووووومن لو اكوم اسحلجن من عطوبجن
من شفناهه هيج عصبيه..مكدرنه نجادلها لا صدك تسحلنا تسويها لان..كمنا اثنينا و وحده تضرب بالثاني من النعس مدري من التعب.. رحت للحمام و اول مدخلت باوعت ع مرايا..الكحله سايله و الحمره ممسوحه.
بسرعه فتحت المي و غسلت وجهي و عيني فركتها حيل.. و شعري مشطته بأيدي باصابع ايدي لان جان سرح من البارحه.
شلته ع شكل كبايه و رجعت باوعت ع مرايا عيوني بعدهن مكحلات بس شو طالع شكلي بيهن كلش حلو.
أنت تقرأ
أسيرة في موطنك (مكتملة)
Ficção Geralقصه عراقيه..حقيقه فتاه صغيره..تعيش مع أبيها و خواتها تتغير حياتها حين تعلم أنها أبنت شخص ثاني و تنتقل للعيش مع أمها فماذا تواجهه من صعوبات؟ و ماذا يكون مصيرها زهراء البياتي
