أسيرة في موطنك (مكتملة)

البارت التاسع

مساء الخير احبتي
أتمنى لكم قراءه ممتعه 💕

بالبدايه اريدكم اتعذروني..اني متعوده ع اسماء الابطال القصص القديمين فمرات اغلط بالاسماء و من اشوف تعليقاتكم ارجع اعدلهن..أسفه بس شسوي ايدي متعوده ع اسمائهم 😂💔

بقلم:زهراء البياتي

حليمه كامت تملخ بيها بنص الشارع و التمت الناس و عمو خالد نزل من السياره يريد ياخذ ماما بس ماكو..ماما جانت لازمتها لعمه سناء و تملخ بيها
و عمه سناء مدت ايدها و نزعتها العبايه لماما

اني و براء..دخلنا بنص اني اجر بماما و براء تجر بعمه سناء
سناء..يا ساقطه اني تملخيني بنص الشارع
هجمت ع ماما و جرتها من اذنها..و ماما عاطت
حليمه..الترااااجي الترااااااجي يبووووو
بس عمو خال جر ماما حيل و دخلها للبيت

و عمه سناء وكفت تعدل بشعرهه
براء..عمه بيج شي
سناء..انعل يومج ولي من وجهي
ريم..رحت و اخذت عبايه ماما البشارع و جريت زهراء و دخلت للبيت
و اسمع عمه سناء تعيط ع ناس
..خللللصت المسريحه يلا لبيوتكم مو ناس كارثه تموتون ع مشاكل و المصايب..من الله يطيح حظكم انشالله
براء..كافي عمه يلا ندخل
سناء..وينها هاي حليمه وينها
براء..بالبيت يلا ندخل

دخلو واني باوعت ع عمه اعصاب و تمشي بسرعه
ردخلت للبيت و احنه وراهه
لكينا ماما كاعده ع كاع و عمو خالد فوك راسها..يمسح ع شعرهه و يبوسها من راسها
عمه سناء من شافتهم هيج عاطت ع عمو خالد
سناء..شفتتتتت شفتتتتت مرتك الهمجيه شفتها خويه بس اجيت اسلم عليك ملختني تملخ عود هاي اني المربيه بناتها

عمو خالد اخذ نفس و باوع ع عمه سناء
خالد..سوء تفاهم خويه و حقج عليه و هل شي مراح يتكرر
ماما رفعت راسها تباوع علي
حليمه..لا يتكرر اذا اشوفها يمك مره ثانيه
عمو خالد خزرها و نتر بيها
خالد..حليمممه شسالفه

عمه سناء عاطت بصوت عالي
..ماريد اشوفها بيتي هاي المره
ماما كامت و عيطت بوجها
..ليش مو هو اني جايه حته اشوف شكلج الزفر..تره جايه اني ع بناتي
سناء..ماريد اشوفج بالبيت و هذا اخر كلام عندي
حليمه..تنجبين لا احط النعا..قاطعها عمو خالد و هو يجرهه ليوره و باوع ع عمه سناء
خالد..خويه هدي اعصابج و كلشي بالتفاهم ينحل مو بالعياط

ريم..اباوع عليهن وحده تعيط ع ثانيه
و بيبي لازمه عمه سناء و تهدي بيها
لحد مأجه عمو أشرف..دخل و عكد حواجبه
اشرف..شصااااير
سناء..مرتك ماريد اشوفها بالبيت اشرف
اشرف..شصاااير

باوعت ع عمو خالد عصب من شاف عمو اشرف
خالد..سوء تفاهم ماكو شي
اشرف..شنو ماكو شي و الشارع كله يحجي بالعركه
سناء..شوف اشرف جنت طالعه بالسوك و من رجعت شفت الاخ خالد بالسياره..سلمت علي و ردت ادخل جان تشوفني حليمه و تهجم عليه عبالها اريد ابوك رجلها منها