أسيرة في موطنك (مكتملة)

البارت الثاني و الاربعون

مساء الخير احبتي
اتمنى لكم قراءه ممتعه

بقلم: زهراء البياتي

بارت طويل لعيونكم

حمزه..يعني تردين تطلكين و هذا اخر شي عندج؟
ريم..اي
حمزه..بهل سهوله؟؟
ريم..اي
حمزه..انتي طالك

شايفين الانسان من كلبه يوكع.. شايفين الروح من تطلع من الجسد و تصعد للسما..شايفين شنو يعني الخذلان من اكثر شخص تحبو.. بلحضتها مرمشت عيني..ضليت صافنه و ماما تجر بيه.
حليمه..تعاي يمه
سعدون..هل زواج باطل بعصبيتك حمزه..كتلكم اكعدو تفتهمو بلا سوالف جهال يا بويه
اباوع ع حمزه يفرك بوجهه بعصبيه
قاسم..حليمه اخذي بنتج للبيت

جرتني ماما من الاستقبال
جاي تطلعني بس حمزه عاط بقاسم
حمزه..متروح مرتي لاي مكان
كالها و أشر ع باب
حمزه..طلعو من البيت بلا زحمه عليكم
لتزيدوها علينا
سعدون..امشي قاسم ابني..حجي حمزه صح خلينا نعوفهم يتفاهمون
حليمه..اني ما اعوف بنتي..بعدين هو طلكها هسه حرمت علي
سعدون.. الطلاك كتلج باطل

قاسم بسرعه جر نفس
..اني اترخص
اجه فات من يمي و هو يباوع عليه
سعدون..يلا يمه يلا نرجع للبيت
كامت بيبي أمينه و ماما رادت تتعارك ويا عمو سعدون
بس اني باوعت عليها و كتلها بهمس
ريم..روحي هسه
باوعت بعيوني
و كالت بصوت عالي
حليمه..لتخلي يقشمرج
صبا..هه شوف شوف حجي امها
سعدون..حليمه امشي يلا
ماما باوعت ع خاله صبا و حجت بعصبيه
..لتدخلين بيني و بين بنتي

عمو سعدون اجه و وكف وره ماما و يأشرلها براسه حته تطلع
ماما رجعت حضنتني و همست
..طيحي حضه و طلعي كلشي بكلبج..و ليقشمرج بكلمتين ابقي ع قراراج
وخرت بسرعه مني و أشرت لحمزه بأصبعها
حليمه..باجر اجي اخذ بنتي من هل بيت
سعدون..استغفرالله امشي يا بويه امشي
أمينه..دعوفيهم يتفاهمون هسه ع شنو هيج مكيفه ع طلاك بنتج تره هذا صخام وجهه يسمو
حليمه..حجيه انتي اسكتي و لتدخلين بمشكله متخصج و بعدين صخام الوجهه اذا اعوف بنتي يم هيج ناس
نتر بيهن عمو سعدون
سعدون..دطلعن عاااااد
طلعو من الاستقبال و خاله صبا طلعت وياهم للباب
و جانت فرحانه و مكيفه ع وضع كلشش

اني بسرعه باوعت ع حمزه الجان يفرك بوجهه بتعب و يجر نفس.. حط عينه بعيني و تقرب مني
اجه وكف كدامي و اشر براسه
حمزه..تعاي نصعد فوك نتفاهم
ريم..ما اصعد وياك لأي مكان..و اذاعندك حجي هنا احجي..قاطعني بنتر
حمزه..داكلج امشي نصعد
دخلت خاله صبا و ضلت تباوع علينا بترقب
ريم..ما اصعد

جر نفس و جرني من زندي حيل و طلعني الاستقبال
اني كمت ادفع بي بس هو جان مينكدرله..جرني صعدني الدرج و خاله صبا جوه تصيح علي
صبا..حمزززه يمه ع كيفك
ريم..عوووفني عااااد
جرني و ضل يضغط ع ايدي بحيث صحت علي بوجع
ريم..ااااااخ ايدي