أسيرة في موطنك (مكتملة)

البارت السابع و الثلاثون

مساء الخير احبتي
اتمنى لكم قراءه ممتعه

بقلم: زهراء البياتي

حمزه..انتي حجيتي هيج ويا قاسم
صبا..اي يمه و قبل هو
جده فوزيه بسرعه ضلت تباوع وره ع سيارات و تحجي بخوف
..يا ولك يمه حنندعم

حمزه بسرعه شغل السياره و ضل يمشي عسريع و يباوع ع امه و يعيط
حمزه..وانتي شلووون تتصرفين من كيفج يمه
صبا..هاااااي شبيك ع شنو هل عصبيه..مو زين البنيه تزوج و يصير عدها بيت.
حمزه..ليش هسه ماعدهه بيت؟
صبا..انته كلت اول وتالي اطلكها.. احسن ما تروح للغريب بالمستقبل تروح تزوج قاسم
حمزه..ها وانتي تقررين من كيفج
فوزيه..صلو ع نبي و هدو

صبا..حمزه شنو سالفتك ها كلي يمه شنو خاف تريدها زوجه الك
حمزه..لا ماريدها زوجه..بس كتلج منا لحد ما تخلص سادس هيه تبقه بأسمي.. و زوجتي و محد يدخل و يقرر باسمها.. و اني هذيج المره حذرتج يمه و رجعتي هم اتصرفتي من وحدج يعني متوووبين.
صبا..الاشوفه صح اسوي اني
حمزه..استغفرك ربي شلون حتخليني اكفر
صبا..يا يا شفتي شفتي فوزيه
فوزيه..صبا انتي اسكتي و هدي.. و حمزه يمه هم اهده  و من توصلون للبيت اتناقشو بهل موضوع.

حمزه..خاله لا نقاش و لا شي.. ريم جوه حمايتي منا لحد متخلص السادس.. غير هل حجي ماعندي!
خاله صبا دارت وجهه بعصبيه و ضلت تهز راسها يتوعد
و جده فوزيه تقره ايات و تنفخ عليهم.
و تباوع عليه صفح.

اني رجعت اباوع من الجامه ممصدكه
تريدني لقاسم؟؟ شلون فكرت بهيج شي..احس كل يوم داكرهه اكثر و اكثر.. صدك المظاهر خداعه و جنت بالبدايه شكد احبها و اعتبرها نفس امي.. بس لان شافت حمزه متعلق بيه صارت انسانه ثانيه.. ضليت افكر طول الطريق بس جنت مرتاحه من ناحيه رفض حمزه و بنفس الوقت خايفه منها هوواي لان كمت اعرف خاله صبا متسكت عن اي شي.

طول الطريق بقه حمزه معصب..و امه دايره وجهه و زعلانه.. من وصلنا.. نزلت امه بسرعه و سدت الباب حيل.. اباوع علي استغفر ربه و نزل من السياره.
نزلت اني وراه.. و جده فوزيه سلمت ع اختها و راحت دخلت من الباب الوره لبيت عمو سعدون.
و احنه حمزه فتح باب البيت و دخل و دخلت وراهه خاله صبا.
دخلت و اني جاي ادخل بس سدت الباب بوجهي.
بقيت واكفه بالباب مصدومه من حركتها.. بس جريت نفس و فتحته للباب و دخلت ع كيف.

سديت الباب.. و سمعت صوتها فوك دتتعارك ويا حمزه.
اخذت نفس و رحت للاستقبال..كعدت ع كاع و اسمع عياطهم
حمزه..شوووكت غير افتهم شوووكت حجيتي ويا
صبا..قبل اسبوع من رحتلهم حته اشوف حمودي.
هو كلي اني اي بنيه بت حلال تجي تربي لحمودي موافق ازوجهه بس وره الاربعين. و من كتله ع ريم ابد ممانع.
حمزه..وشلوووون متكليلي انتي حاجيه ويا..يعني انتي حتخليني اتخبل يمه
صبا..انته تحبها لريم مو ليش متعترف
حمزه..شحب منها..داكلج من تخلص سادس اطلكها و وعدتج اني بهل شي.