أسيرة في موطنك (مكتملة)

البارت الثاني و الثلاثون

مساء الخير احبتي
اتمنى لكم قراءه ممتعه ❤

اسفه ع تأخير اعذروني
و بارت طويل لعيونكم

بقلم: زهراء البياتي

ريم..ضليت صافنه ع القصيده القراهه و كلبي يدك ويا كل كلمه..سكت و جر نفس.
بسرعه رفعت راسي و باوعت علي
ريم..هاي منين حفضتها
ابتسم
حمزه..صارلي اسبوع اكتب بيها و تالي تكليلي منين
عكدت حواجبي
ريم..انته الكاتبها
حمزه..اي

وخرت من حضنه و كعدت كباله
ريم..صدك
حمزه..لا جذب
ريم..لا والله كلي صدك
حمزه..اي
ابتسمت
ريم..شكدد حلو شلون تكدر هيج تكتب اشياء يعني منين تجيك الافكار
حمزه..من كلبي

ريم..عندك كتابات بعد
هز راسه و كام من الفراش راح للمجر اخذ دفتر و رجع مد ايده و انطانيا..بسرعه اخذته و تربعت ع جربايه
و كمت اكلب بي..و هو اجه يمي مدد و يباوع عليه..جانت بي هواي قصايد.
و اوراق هواي كاتب بيهن و بعدين مشخبط عليهن.

شفت ورقه مكتوب بيها عن الحب..ابتسمت و كمت اقره بصوت عالي:
‏الحب بشكل،،، عاااام،،،، جمال الحياة وخلاصة،، صفات داخل الإنسان،، انه عالم آخر من السحر الوجداني،، وعالم اخر من السعادة،،،،، الحب،، لايعرف سبل الغدر ولاطرق الخيانه الحب نفخ من عبير الجنه  يسكن الروح فترى كل شئ جميلا،، الحب ألحان العمر والحياة الحقيقيه،،، الحب،، بذرة ربانيه زرعت داخل الروح،، فنمت وتشعبت واستولت على كل مفاصل الشعور،، الحب،، هذيان بكلمات سحريه تنساب بهدؤ ونظرات ضبابية تتسلل بين زخات المطر،، الحب،، روح اخرى داخل الروح،،، الحب،، فرحه و غيره،، وتضحيه وايثار،،، الحب سلطان رحيم كريم يحكم بحكم دستور القلب،،، والعقل،،،، الحب،،، شغف للحبيب ولوعه للمحبوب وهيام،، الحب حياة والحياة تعني الحب.
حمزه..لتقريهن محلوات

ريم..لا ليش حلو..حبيت اصلا الكاتبه عادي اخذها للورقه؟
حمزه..اخذيها
ابتسمت و شكيت الورقه من الدفتر و حطيتها بحضني و رجعت باوعت علي و ابتسمت
جنت تحب قبل؟
هز راسه
حمزه..اي
ريم..منو
حمزه..وحده
ريم..شسمها
حمزه..غزل

صفنت و اذكرت اسراء من حجتلي عليها
سويت نفسي ماعرف
ريم..و وينها هسه
حمزه..ازوجت الله يستر عليها
ريم..و ليش متزوجتها
حمزه..مصارت قسمه

ريم..بعدك تحبها
حمزه..لا بعد ازوجت
ريم..جنت تحبها هواي
حمزه..لا يعني اول بنيه انعجبت بيها بس مو حبيتها كلش كلش..و هيه بعد زوجت الله يوفقها بحياتها

هزيت راسي و درت وجهي و احس ماعرف ليش ضجت..بس سويت روحي عادي و كمت اكلب بالاوراق و اقره.
ريم..جنت المن تكتب هل اشياء
حمزه..مو لاحد..اكتب شعوري او رئي بس اخر شي كتبت لانسانه احبها
ريم..منو هي

حمزه..شوفي اخر ورقه
رجعت دنكت بسرعه و كلبت بالاوراق عسريع
و شفت اخر شي القراهه الي هستوه
بسرعه باوعت علي
ريم..هستوك الكلتها الي؟؟
حمزه..اي