أسيرة في موطنك (مكتملة)

البارت العاشر

مساء الخير احبتي
أتمنى لكم قراءه ممتعه 💕

التفاعل كولش قليل مع العلم دانزل بالموعد و لا يوم متأخره بس ماعرف ليش هيج التفاعل..ققط كم بنيه دتتفاعل و بس..حته واهس مدتسون بصراحه و هذا يأثر ع قصه هواي.

بقلم: زهراء البياتي

ريم..كالت اسراء هدى هنا وينها
صبا..لا فوك يم حمزه هدى
من كالت هيج..بسرعه راحت ابتسامتي
صبا..اليوم تعاي اتغدي ويانا
ريم..ها لا شكرا خاله..يلا اني حروح ارجع ابدل ملابسي
صبا..لعد العصر تعاي
ريم..ماشي خاله

طلعت من المطبخ و ماعرف حسيت روحي مختنكه
او ماعرف شنو بيه اشياء مدافتهمه ليش ديصير هيج بيه..رحت بسرعه طلعت من البيت

بقيت شوي بالحديقه افتر و اشتم هوى
لحد مدخلت و رحت بسرعه ادور ع ماما
مشفتها جوه..صعدت فوك
دكيت الباب ع غرفتها
اجاني صوتها
حليمه..منووو
دخلت و بسرعه سديت الباب
هيه فزت و باوعت عليه..جانت لابسه دشداشه كصيره جوه الركب و لونها و ردي و شايله شعرهه و حاطه مكياج طالعه حلوه كولش

حليمه..شكو شبيج
ريم..ماما اريد احجي وياج
حليمه..متحجين..دارت وجهه و مدتت ع جربايه
و اخذت نفس..حطت ايدها ع عيونها
يمه ميته تعب من الطريق اريد بس انام حته ع غده لتصيحوني
ريم..ماما
وخرت ايدها و باوعت عليه
حليمه..شبيج انتي

رحت بخطوات بطيئه و كعدت ع الطرف مال الجربايه
و باوعت عليها
ريم..رحت لخاله صبا حته اشوفها
حليمه..وهذا التردين تكولي الي..شو ولي من وجهي لا ادفرج هسه اكلها تعبانه من الطريقه جايه تكلي رحت اشوف خاله صبا..عسى ما شفتيها شعليه اني
ريم..شبيج ماما على كيف اني اريد احجيلج شي ثاني

نترت بيه
..فضيها ريييم تره مالي خلك
ريم..رحت اسلم عليها و اسراء كلتلي هدى هناك يم خاله صبا بس من سألت خاله صبا كالت هدى فوك يم حمزه بالغرفه
اباوع ع ماما فتحت حلكها و كامت عدلت كعدتها و تربعت
حليمه..اشلوووووون..اوكفي هدى بغرفه حمزه؟؟
هزيت راسي

حليمه..اللعب بنات خلوده الحقوده خوش ديلعبن بالساحه
ريم..ماما من مو على هذا الشي اجيت
حليمه..شنو
ريم..اني ضجت من هيج خاله صبا كلتلي ماعرف
يعني احس نفسي هيج داضوج..دنكت و ماما ابتسمت
حليمه..اتحبي مو..لتستحين ماماتي انتي معليج خليها امج هيه التتصرف وداعتج الا اجيبه للدرب

رفعت راسي
ريم..وين تجيبي
حليمه..يعني اخلي يحبج..بس انتي اريد منج نفس معلمتج تصيرين اذكى من هدى و وين ميروح تروحين وراهه و ها لتحجين اي شي لاسراء لا على مشاعرج ولا ع حبج
ريم..ليش يعني اني هسه احب صدك حمزه
حليمه..اي ماما انتي تحبي
صفنت معرفت شنو احجي و هيه ابتسمت و رجعت مددت
حليمه..و هسه اطلعي اريد انام

هزيت راسي و كمت من يمها
طلعت من الغرفه..و ماعرف تحس السويته غلط
اني ليش فتنت ع هدى..زين شلون اسمع كلام ماما
اني مو دائما الكل يحذروني اصير مثلها
لا لا هيه امي و اكيد تعرف مصلحتي لان ماكو ام تكرهه بتها..بس اذا اسراء تعرف يمكن متحجي وياي
اوووف اني شنو داسوي..اخذت نفس و رحت رجعت للغرفه