أسيرة في موطنك (مكتملة)

البارت الثاني

مساء الخير احبتي
أتمنى لكم قراءه ممتعه💕

بقلم:زهراء البياتي

ريم.. جان بيت ماما مو بعيد لان بسرعه وصلنا
باوعت من الشباك وكفنا يم بيت حلو جبيير
نزل بابا من السياره و اني جسمي كله يرجف
فتح الباب و جرني من ايدي
اشرف..انزلي
ريم..بابا حباب
اشرف..اش ولا حرف و كتلج اني مو ابوج كافي بابا و بابا..اني ماعندي بس براء و زهراء
باوعتلها و دمعت دموعي
ريم..لعد ليش مو اني نفسهن

اخذ نفس و جرني
للباب و ضل يدك ع باب حيل
سمعنا صوت بنيه
أسراء..منو منو
اشرف..فتحي الباب خيتي عندي امانه لحليمه
شوي و انفتح الباب
طلعت بنيه شابه
أسراء..اتفضل عمو

اشرف..حليمه بالبيت
أسراء..اي بلبيت منو انته
اشرف..بنيتي هيه من حتنطيها هاي الامانه حتعرفني منو اني
جرني و وكفني كدام البنيه
أسراء انصدمت و ضلت تباوع عليه بأستغراب
اسراء..عفوا شنو امانه و منو هاي الطفله

اشرف..حليمه من حشوفها حتعرفها..يلا اترخص
راح بابا لسياره و اني مسحت دموعي و بلعت ريكي بخوف
أسراء..يا مخبل هذا لو شنو تعال عمو وين رايح
شغل السياره بابا و طلع
رجعت البنيه باوعت عليه
اسراء..انتي منو شصيرين من حليمه
ريم..حليمه تصير ماما
شهكت
..يا فد لا انتي بتها..تعاي حبيبتي تعاي

جرتني من ايدي و دخلتني للبيت و سدت الباب
ضليت فاتحه حلكي ع حديقه الجبيره
اخذتني و دخلت للبيت تلكتنا مره جبيره..سمره و الشيب تارس شعرها
الحجيه أمينه..منو جان يدك الباب..باوعت عليه
هاي الطفله منو ولج
اسراء..بيبي هاي بت حليمه
الحجيه..شلون أجت
اسراء..ماعرف رجال اجه للباب و ذبها و كال هاي امانه حليمه

أمينه..صخام بوجهي..رفعت راسها و ضلت تعيط ع ماما..وللللللللج حلييييمه تعاااااااي ست الحسن
نزلت ماما من الدرج و جانت لابسه دشداشه حصر و كلها الوان و ايدها متروسه ذهب و المكياج تارس وجهه
بس شافتني اخذت نفس و تخصرت
حليمه..ها حجيه خير من الصباحيات
أمينه..هو اليشوفج يشوف خير
هاي بتج

حليمه..اي هاي بتي الجبيره ريم
طلعت مره بكد ماما من الممر و ضلت تباوع عليه و عيونها مدمعه و مصدومه
أمينه..وشعدها بتج هنا جايه
نزلت ماما الدرج و اتقربت مني و جرتني من ايدي
ورجعت باوعت ع الحجيه
حليمه..بنتي و جبتها تعيش وياي

أباوع ع حجيه صارت صفره و هاي المره اليمها لطمت ع خدودها و ضلت تبجي
الحجيه بسرعه نترت بيها
أمينه..شبيييييج انتي هدددي ع كلشي و بجيتي
خلود..شبيه؟؟؟؟ شنو المابيه قصدج حجيه
سكتوني من خليتو خالد يزوج عليه هاي المره و بقيت متحمله و ساكته و هسه نوب حجيب بناتها يممممي؟
تحجي و تعيط بحركه

أمينه..خلود ادخلي للمطبخ و بعدين خلينا نتفاهم
حليمه..اتفاهمو انتو بيناتكم..اني حصعد ويا بننننتي من رخصتكم
اخذتني ماما و كامت تمشي بدلع من يمهن و صعدت الدرج
اني بقيت بس صافنه ماعرف شديصير اصلا
و اسمع جوه عياط الحجيه و هاي المره الاسمها خلود