أسيرة في موطنك (مكتملة)

البارت ٦٥

مساء الخير حبايبي

اتمنى لكم قراءه ممتعه

بقلم: زهراء البياتي ❤

اجت ماما تملخ بخاله صبا و تضرب بيها بس خاله صبا
جانت فاقده بحيث مدافع ع نفسها
حاطتني جواهه و ضلت تملخ بيه و تضرب بمحبسها حيل ع وجهي حته اتشوهه.

طلعت روحي جواهه من الوجع..و ماما تجر بيها هيه و خاله خلود..بلكوه جروهه مني.. و ماما نامت فوكاهه تملخ بشعرهه
حليمه..اليوم حته عبايتج اشككها..ام الخلاجين.
ضلت ماما و خاله صبا يتمالخون.. و بيبي امينه تعيط عليهن  و خاله خلود تريد تفاككهن بس متكدرلهن.

ريم..كعدت بالكاع و حطيت ايدي ع وجهي احس بحراره احس وجهي مجرح و راسي يموتني من الوجع
ضليت اشهك بالبجي و اعيط من الوجع.
اجت هدى دنكت لمستواي و تريد توخر ايدي
هدى..وخري ولج خلشوف وجهج
ريم..اخخخخخ ما اكدر ما اكدر ديحركني ماكدر

سمعنا صوت حمزه..يدك بالباب حيل و يعيط
حمزه..فتحوووووو البببببااااااااب
هدى بسرعه ركضت فتحتله و عيطت علي
..اخذ امك و اطلع من البيت
بسرعه اجه يركض..اتجاهنا.. مراح لامه..اجه بسرعه الي
دنك لمستواي و حجه بخوف
حمزه..ريم ريم شبيج.. شو باوعيلي
حضني و راد يوخر ايدي..بس بسرعه اني وخرتها لايدي من وحدي و دفعته  حيل..عيطت بوجهه
..اطللللللع انته و امممممممممك اطلللللللعوووووو
ضل صافن بوجهي مستغرب و مصدوم.

كمت وكفت ع حيلي و ردت اوكع.. بس هدى لزمتني
اخذتني بسرعه و دخلنا للبيت و اسمع ماما تعيط بصوت عالي
..عوووووفوووووني انتفها عوووووفوننننني اكطع شعرهه المهبهب

ريم..اخذتني هدى فوك للغرفه..اول مدخلت..رحت كدام المرايا..باوعت و شهكت من شفت وجهي احمر
و الخد الايمن كله جروح صغار.. و عيوني مورمات.
بس شفت هيج وجهي لطمت ع خدي
عزززه بعيني عزززززه بعيني..هاي شصااااير بيه
لزمتني هدى و هيه تهدي بيه
هدى..على كيفج جروح بسيطه تروح والله تروح 
تحجي و اني دنكت راسي ابجي و اشهك.

كعدت بالكاع ع ركبي و هيه كعدت وياي تهدي بيه
هدى..شبيج ريم لتسوين بروحج هيج
ريم..تعبت هددددى تعبت.. شوكت ارتاح تعبببت
تعبت والله مداتحمل بعد والله مداتحمل.
هدى..حقج والله حقج..بس لتنقهرين والله هسه اخابر قاسم يجي يطيح حضه هو و امه.

اخذتني للجربايه و كعدت تهدي بيه و تمسح ع راسي.
شوي و صعدت ماما و شعرهه مخربط.. اجت وكفت كدامي و ضلت ترزل بيه
حليمه..شبيج بسرعه نمتي جواهه..تبقين فاهيه..جان ملختيها..بلا شو
باوعت ع وجهي و لطمت ع رجلها
صخام بوجهي..اني اعلمها عبالكم اعوفها لا والقران ما اعوفها حسابها يمي.. دخلي تصبرلي ام الخلاجين.

بقيت ابجي بالغرفه و كل ساعه واحد صاعد يباوع عليه و يباوعلي بقهر.. بس بيبي امينه يلعلع صوتها من جوه و هيه تعيط
امينه..هيه بنتج الباديه شوفي شحاجيه ويا المره حته
خلتها هيج تعصب
حليمه..حجيه..اسكتي رحمه لاهلج..لا اطلع حركتي بيج
امينه..شوف شوف الصلافه..شنو بكدج اني حته هيج تحجين وياي.
خلود..كافي عرك الله يخليكم..كافي والله تعبنا تره