أسيرة في موطنك (مكتملة)

البارت الثاني و العشرون

مساء الخير احبتي
اتمنى لكم قراءه ممتعه❤

بقلم: زهراء البياتي

حبايبي قبل منبدي بالبارت مواعيد النشر للمره الالف حكولها😂💔 لان ليهسه اكو متابعين ميعرفون المواعيد
اني انشر كل يومين و يوم استراحه
بارحه نشرت و اليوم هم هذا بارت و باجر استراحتي و هيج ❤
اما عن وقت تنزيل البارت ممحدتته مرات الظهر و مرات المغرب. حسب مرات يصير عندي شغل و انزله بليل.

بارت طويل لعيونكم
بس اريد اشوف تفاعلكم🥺❤

.....

ابتسم و طلعت سنونه و اني ضليت صافنه علي احس بي متعمد يخليني اصير عصبيه او يريد يخبلني
درت وجهي بس جرني من ايدي و كومني
طلعني من الحمام و اني ادفع بي و هو يجر بيه
ريم..عوووفني
جرني و دفعني على الحايط اليم غرفه خاله صبا
و حط اصبعه ع شفايفي و حجه بهمس
حمزه..اششششش امي نايمه جوه..ادخلي ع كيف و نامي بفراشج

رفعت ايدي و دفعتها لايده و رجعت اريد ادخل للغرفه بس جرني من ايدي ع كيف و همس بأذني
حمزه..مراح اعتذر لان انتي العيطتي عليه و رفعتي صوتج و اني اكبر منج و جنت احجي وياج باحترام مره ثانيه احترميني اني مو بكدج افتهمتي
باوعت علي
ريم..هو انته شوكت معتذر اصلا..بعدين اذا صدك تريد تعاقبني جان حجيت عليه او رزلتني و اني حعتذر منك مو تحبسني بالحمام. و اني صح غلطت لان رفعت صوتي عليك بس انته هم ميصير تحبسني اني مو جلبه
ضم ابستامته
حمزه..لا انتي بزونه.. و مو اي بزونه انتي نوع مختلف اكو بزازين يباوعن بنضرات حاده

مجاوبته و رجعت دخلت للغرفه على كيف
و سديت الباب. رحت ع اطراف أصابعي للفراش و تغطيت.. يربي نوب يضحك عليه و يكلي بزونه هذا الانسان مدري شبي. بقيت افكر لحد منعست و نمت.

مرت الايام و بقت حياتي نفس ما هيه متغير شي
بس ضليت اتجنب حمزه شكد ما اكدر.. بحيث ع اقل غلطه يعيط عليه..اني ما احجي و لا ارده بسرعه اسكت لو اعتذر حته بس ما ادخل نفسي بمشاكل
اليوم جان اخر يوم بالمدرسه و اخر امتحان بالصف الثاني متوسط.
من طلعت من الصف و وكفت يم الباب انتظر هدى جنت كولش فرحانه و طايره و اخيرا خلصت هل سنه صح وراي ثالث و بكلوريا بس اريد اخلص من المتوسطه و ارتاح.

شفت هدى تمشي و عبالك صافنه
بسرعه رحت يمها
ريم..ها جاوبتي
هدى..ها مو كولش خايفه لا ارسب
ريم..عزه بعينج هدى شايفه اذا ترسبين والله يطيحون حضج تره انتي هسه لازم رايحه للرابع اعدادي و شوفي نفسج ليهسه بالاول متوسط
نترت بيه
هدى..ايييي كاافي شبيج لتفاولين انشالله انجح بس لتنكين بعدين انتي معليج بيه اني اعرف مصلحتي

سكتت و درت وجهي
هدى..شو انتي فرحانه شنو مجاوبه
ريم..اي كل الامتحانات مجاوبه بيهن الحمدالله و ضامنه النجاح.
هدى..شلون هيج متأكده
ريم..لان درست هواي و تعبت و الله ينطينا ع كد تعينا
كليت عيونها و ضلينا نمشي و احنه ساكتات.