مساء الخير احبتي
اتمنى لكم قراءه ممتعه
بقلم: زهراء البياتي
قاسم.. جنت دادخن و فاتح الشباك.. و اسمع البجي مالتها.. صبرت كلبي و كلت بيني و بين نفسي
اصبر و عوفها اهم شي تصير الك و تأمن عليها
ضلت تبجي و تشهك.. و المشكله بجيها مو طبيعي لا بجيها مال حركه و قهر.. دمرت نفسيتي كلها بجيها.. شمرت الجكاره من الشباك.. و سديته.. باوعت عليها
قاسم..حضري نفسج حته انروح اليوم
اباوع عليها فزت و باوعت عليه
ريم..لا منروح
اتكيت ع شباك و جتفت ايدي لصدري
قاسم..تردينا نبقه هنا شهر عسل لو شنو؟
اباوع عليها بسرعه باوعت عليه بحقد..ضميت ضحكتي حته ما اضحك على شكلها.
ريم..اريد ارجع لاختي
قاسم..ماشي نمر عليها و وراهه نرجع لديالى
حطلع اني هسه و انتي حضري روحج و هنا ملابسج هم حطيتهن ع كرسي. جنت اخذ غراضي من الغرفه و احجي و هيه تباوع عليه
اخر شي اخذت مفتاح السياره و رحت طلعت من الغرفه و قفلت الباب.
نزلت جوه و اول منزلت شفت دانيه دتنتظرني يم الباب
رحت وكفت يمها و هيه باوعت عليه و جانت مبتسمه
دانيه..شلون صارت
كمت اباوع ع حديقه مال فندق و احطي وياها
قاسم..منهاره بالبجي
دانيه..السويته بيها مو قليل حيصير ييها عقده نفسيه منك
قاسم..ماعندي غير حل
دانيه..حترجع لديالى
هزيت راسي و باوعت عليها
قاسم..اي
دانيه..توصل بالسلامه
قاسم..شكرا هواي.. ساعدتيني و وكفتي وياي يعني ماعرف شلون اردلجياهه
دانيه..اذا ما اوكف لصديقي الصدوق المن اوكف لعد
حجتها و هيه مبتسمه
رجعت ابتسمت
قاسم..فدوه لكلبج يا طيبه.. محتاجه شي كليلي
دانيه..سلامتك ممحتاجه اي شي
قاسم..لشوكت دوامج
دانيه..للسته المغرب
قاسم..امج شخبارهه
جرت نفس بضيق
دانيه..السكر مدمرها.. بس الحمدالله ع كل حال
هزيت راسي و مديت ايدي بجيبي طلعت المحفظه و طلعت منها 300 الف.
هيه بسرعه كالت
دانيه..قاسم مراح اخذهن
مديت ايدي و كتلها بتحذير
قاسم..تره ازعل
ابتسمت
دانيه..كولشي و لا زعلك..اخذتهن و كلتلي
..شكرا هواي
قاسم..كلشي تحتاجين خابريني و سلميني ع خالتي و مره ثانيه اجي ازورها انشالله
دانيه..يوصل..وانته هم كل متحتاج شي خابرني.. تقربت و لزمت ايدي
و كل متختنك تعال عندي
وخرت ايدي بسرعه و هزيت راسي
قاسم..يلا مع السلامه
دانيه..الله وياك
طلعت من الفندق و ادري بيها دتباوع عليه من وره.. رحت للسياره و صعدت ليكدام و شفتها صافنه عليه
مهتميت..شغلت السياره و رحت كبل للمطعم..اخذت اكل سفري و رجعت حطيته بالسياره.. و رجعت للفندق
ريم..لفيت الشال شلون مجان و وكعدت ع جربايه اباوع ع شباك و دموعي تنزل.. مسحت دموعي بجف ايدي و مسحت وجهي بأيدي و جريت نفس.. انفتح الباب..بسرعه باوعت لكيته ديسد بالباب و بأيده علاليك اكل.. اجه حطهن ع ميز و أشرلي براسه
قاسم..يلا تغدي و وراهه حته نروح لاختج
كتله بنتر
..ماريد
و رجعت درت وجهي ع شباك و هو اسمعه يستغفر و يجر نفس بضيق.
أنت تقرأ
أسيرة في موطنك (مكتملة)
Fiksi Umumقصه عراقيه..حقيقه فتاه صغيره..تعيش مع أبيها و خواتها تتغير حياتها حين تعلم أنها أبنت شخص ثاني و تنتقل للعيش مع أمها فماذا تواجهه من صعوبات؟ و ماذا يكون مصيرها زهراء البياتي
