أسيرة في موطنك (مكتملة)

البارت الواحد و الثلاثون

مساء الخير احبتي
اتمنى لكم قراءه ممتعه ❤

بقلم زهراء البياتي

خالد..مبقه شي و اندمج ع كلشي..اخليج تبجين دم
بس حجه هيج رفعت راسي و باوعت علي
ريم..تفففففففف عليك يا عار

غمض عيوني و ابتسم
رجع فتحهن و هز راسه
خالد..مبقه شي مبقه شي..عاف ايدي و فات من يمي راح لغرفته و هو يضحك

اني هنا كلبي صار طبل و جسمي كله يرجف.
نزلت و اني لازمه الدرج و ايدي الثاني الحايط لان احس حتخربط.
اول منزلت رحت الغرفه بيبي فوزيه الجانت اسراء نايمه بيها.
دخلت ع كيف و اخذت عبايتي و الشال
و باوعت ع اسراء نايمه. اخذت نفس و طلعت بسرعه من الغرفه.

رحت للكليدور البس بالعبايه و ماما اجت شافتني
حليمه..ها يمه حتروحيت
ريم..اي تأخرت
حليمه..هسه هذا شبي حمزه ميخليج تبقين يمنا للعصر شنو قابل حناكلج
باوعت عليها بغضب
ريم..سألي زوجج ليش ميخليني ابقه هنا
كلبت عيونها بضيق
حليمه..استغفرك ربي متوبين انتي متوبين من هل خريط هذا

مجاوبتها حطيت الشال ع راسي و طلعت بره و هيه ادردم وراي.
رحت بسرعه للبيت دكيت الباب و طلعتلي خاله صبا
صبا..ها رجعتي
ريم..اي مكدرت ابقى..عمو خالد رجع
صبا.. زين سويتي لعد دخلي و اني شوي و اروح يمهم
هزيت راسي و نزعت الشحاطه و دخلت للبيت و اني انزع الشال.

وره نص ساعه خاله صبا راحت يم اسراء.
وراهه رجعت اخذت جنطتها لان كالت هيه حتروح ويا خاله خلود و قاسم للعلاج الكيمياوي.
طلعت خاله صبا و اني بقيت بالبيت..ساعه فتر و ساعه ادعي لاسراء و ساعه اصفن و اذكر عمو خالد.

للمغرب و خاله صبا مرجعت للبيت و اني بقيت بالصاله انتظرها..لحد منفتح الباب..بسرعه كمت و طلعت من الاستقبال و اني احجي
ريم..ها خاله شلونها اسراء..سكتت بس شفت حمزه ديقفل بالباب

ريم..الحمدالله ع السلامه
حمزه..الله يسلمج..نزع حذائه بتعب و جان شايل علاكه
رحت يمه و مديت ايدي..حته اخذ العلاكه لان عبالي مسواك
ريم..اني اخذها للمطبخ
حمزه..هاي الي
بسرعه رجعت ايدي و هزيت راسي

فات من يمي بتعب و كال
حمزه..امي حتبقه هناك لليل لتنتظريها
درت وجهي و حجيت بخوف
ريم..ليش اسراء بيها شي
حمزه..لا بس دتتأذه و مرادت امي تعوفها لوحدها
جان يحجي ويصعد ع درج.
ريم..ماشي لعد اني حسويلك الاكل و انته روح اسبح
حمزه..ماشي.

رحت للمطبخ و حضرت الصينيه و حميت الاكل..جان كله جاهز بس احمي.. و طلعت من الثلاجه طرشي و لبن لان يحبه حمزه.. و الخبز حميته و حطيته بالصينيه.
من صار حار الاكل..نصيت النار و انتظرت اسمع صوت حمزه حته بسرعه اوديليها و هو حار.
شوي و سمعت صوت درج..عرفت بي خلص سبح و نزل جوه.
بسرعه طلعت المواعين و صبيت الاكل.