مساء الخير احبتي
اتمنى لكم قراءه ممتعه
بقلم: زهراء البياتي
ريم.. كمت الطم ع رجلي ..و صياح قاسم واصل لنص البيت
ركضت للاستقبال..رحت فتحت البرده و شهكت من شفت قاسم لازم حمزه و دك ضرب بي.
لطمت ع خدي
صخام بوجهي حيموته
اباوع ع حمزه ميتحرك و لا يرفع ايده ع قاسم
و قاسم لازمه و دك ضرب بي.. و يرجع حمزه يعيط
..انته خليتني اطلكها انته الاخذتها منييييييي
قاسم جره من تيشيرته و دفعه حيل ع باب..بحيث حسيت ضهره اتكسر لحمزه.. شهكت و حطيت ايدي ع حلكي. و قاسم عاط
قاسم..هسه حلو من انهانيت.. هاااااا..يعيط و يهز بي حيل
حمزه..جانت تنام بحضني.. راد يكمل جملته و جره قاسم نيمه بلكاع و ضل يرفس بي حيل برجله و يعيط علي
..كو.... انعل ابوك لابو حته الجابك..ابن ...... ابن.....
ضل يسب و يغلط علي.
شهكت و دموعي نزلت ع خدي.. اباوع ع حمزه مثل الجثه صار يجي يمنى و يسرى.. لطمت ع خدي و ضليت ابجي
صخاااااام صخاااااام حيموته حيمووووووته
ضليت ادك ع الجام حيل بس قاسم و لا رفع راسه و لا باوع عليه..بس حمزه جان نايم ع كاع راد يرفع راسه حته يشوفني.و قاسم جره من تيشيرته و وكفه ع حيله و ضل يهز بي حيل
قاسم..تنساهه و تبتعد عنها..لان قسم بالله مره الثانيه ادزك لامك جثه..افتتتتتهمت
جان يهز بي حيل و حمزه ماكو منتهي
جره حيل من التيشيرت..سحله الكراج و فتح الباب شمره بره البيت.. من شفت هيج حسيت روحي فرفحت.
رجع سد الباب و قفله.
ريم..سديت البرده.. و كعدت ع كاع لازمه كلبي
و ابجي.. فد لاااا يموووووت يربي فد لا يموووووت
صخاممممم صخااام اذا يموووت صخامم
كمت ابجي و الطم ع رجلي.
سمعت صوت باب.. و انسدت حيل.
دخل قاسم الصاله و هو كتله من النار.. بحياتي مشفته هيج.
اجه بأتجاهي بعصبيه.. جرني من شعري و اني عطت بصوت عالي
ريم..اااااااااااخ ااااااااخ قاسم
جرني وكفني كدامه و بأيده الثانيه لزم فكي حيل
قاسم..حسسسسج ما اسمععععه.. دتبجين ع هذا الساقط الكو.... مووو. قرب وجهي منه و عاط
بصوت عالي
انتيييييييييي ع ذممممتتتتتي هسسسسه و تبجين ع حبيبج
يعيط و اني ابجي بوجع من شعري
ريم..قاسم شعررري..ااااخ
جرني حيل و شمرني بره الاستقبال و عاط بيه بعصبيه
قاسم..صعدددددي ماريد اشوف وجهج كدامي صعدددددددي
رجع دخل للاستقبال يفتر بعصبيه
و اني رحت ع كيف صعدت الدرج و دموعي تنزل مثل الشلال.
صعدت فوك و دخلت للغرفه..سديت الباب و كعدت بالكاع..لزمت راسي بوجع و كمت ابجي بحركه.
كل ما اذكر شكله شلون جان اتخبل.. اكيد صار بي شي هسه.. حطيت ايدي ع وجهي و كعدت بالنص ساعه بس ابجي.. لحد محسيت تعبت و جسمي ذبل.
رجعت راسي للباب و ضليت اباوع كدامي برود.
واني كاعده انفتح الباب.. بسرعه فزيت و كمت وكفت ع حيلي.. دخل قاسم بدون ميباوع عليه..راح للكنتور.
لبس دشداشه عسريع و راح مشط شعره كدام المرايا.
أنت تقرأ
أسيرة في موطنك (مكتملة)
General Fictionقصه عراقيه..حقيقه فتاه صغيره..تعيش مع أبيها و خواتها تتغير حياتها حين تعلم أنها أبنت شخص ثاني و تنتقل للعيش مع أمها فماذا تواجهه من صعوبات؟ و ماذا يكون مصيرها زهراء البياتي
