أسيرة في موطنك (مكتملة)

البارت التاسع و الثلاثون

مساء الخير احبتي
اتمنى لكم قراءه ممتعه

بقلم: زهراء البياتي

حمزه..حمزه..ردت ويا الايام امي تتعود عليج و من تخلصين السادس بهذاك الوكت اكدر افتح الموضوع ويا امج.. بس ماريد من هسه اخربط كل الوضع.. ردتج هم تخلصين دراستج بالاول

ريم..وخر حمزه..دفعته و رجع جرني و حضني
حمزه..احبببببج و النبي احببببج
غمضت عيوني بحضنه و دموعي نزلت
و هو ضل يمسح ع شعري و بقه حاضني.. لحد مهمس بأذني
حمزه.. احبج والله
وخرت راسي و باوعت بعيونه
ريم..مطلكني؟
حمزه..اكو مخبل يطلكج؟!

ابتسمت و رجعت حطيت راسي بحضنه
و هو ضل يبوس براسي و يمسح ع شعري
ريم..حمزه
حمزه..يروحه
ريم..احجي ويا امك لعد
حمزه..شحجي بالضبط؟
وخرت و باوعت علي
ريم..تعبت اني ماريد اسمع بعد حجيها من تكلي يطلكج
و يطلكج و ماريد نبقه خايفين منها و نضل نتوسل بيها
احجيلها الحقيقه..انته مو متخاف من احد..كللها اني احب ريم و ما اطلكها

حمزه..انشالله التردي يجرالج
ريم..يعني حتحجي وياها
حمزه..اكيد.. رفع ايده و ضل يوخر الشعر من وجهي و يباوع ع عيوني و شفايفي
اريد اعوضج عن كلشي عشتي بحياتج
دمعت عيوني و هو رجع حضني
غمضت عيني حيل و بادلته الحضن.

بيومها بقه يتغزل بيه طول الليل..و نمت بحضنه و اني مرتاحه و مطمئنه.. صح خايفه من رده فعل امه.. بس ميهمني شي.. ماطول حمزه واكف وياي فأكيد مراح يصير عليه شي!

ثاني يوم فتحت عيني ع صوته
حمزه..يلكسلانه
باوعت لكيته صافن بوجهي.
بسرعه درت وجهي و رجعت غمضت عيوني
هو تقرب من وره و همس بأذني
حمزه..احبج
ابتسمت و فتحت عيني على كيف
حمزه..يلا كومي اتريكي

درت وجهي وباوعت علي
ريم..ليش مرايح للشغل
حمزه..اليوم بالتسعه حروح
رفعت راسي شفت الساعه بال ٧ و نص الصبح
رجعت راسي ع مخده و جريت نفس
ريم..حمززه مكعدني بالسبعه؟؟؟
حمزه..اي واذا
ريم..اني عندي عطله و مخلصانه بعدني من كعده الصبح
حمزه..شسوي يعني اتريك لوحدي

جريت الغطى لراسي
و حجيت جوع الغطى
ريم..روح انته اتريك اني نعسانه
حمزه..متأكده
ريم..ايييي بس عوفني انام
حمزه..حاضر

حسيت بي ابتعد عني..و اني رجعت ابتسمت و غمضت عيوني.. و ماحس غير الغطى انجر و انجب عليه مي
فزيت و اني فاتحه حلكي مخروعه
باوعت لازم كلاص المي و صافن عليه
ريم..هاي شسووويت
حط الكلاص يم راسي و تقرب شالني بثنين ايده
حمزه..اليوم اصحصحج اصحصحج
ريم..هههههههههه نزلني..باوعت راح للباب فتحه و طلعني من الغرفه
شحسوي حمزه؟

اخذني للحمام..دفع الباب و دخلني و نزلني جوه الدوش.. و هو جان وراي..اني بسرعه رجعت ضهري علي
ريم..لا حمزه لا
بس هو ضحك و دفعني ع كيف و فتح المي عليه
اني شهكت و بقيت صافنه ع ملابسي شلون دتتبلل
حمزه..المي بارد لو حار..اكاسره الج
باوعت علي و ضربته حيل ع صدره.. هو بسرعه ابتسم
و رجع ليوره حته ليتبلل