أسيرة في موطنك (مكتملة)

البارت الخامس و الثلاثون

مساء الخير احبتي
اتمنى لكم قراءه ممتعه

بقلم: زهراء البياتي

ريم:شفت خاله خلود دتقره قران و اسراء فاتحه عيونها بس حالتها للاسوء
صايره عباره عن هيكل عضمي..و نايمه ع فراش حته حركه متتحرك.

جريت نفس و ابتسمت بوجهه و هيه بس ترمش بعيونها..رحت كعدت يمها و حطيت حمودي بحضني.
ريم..شلونج حبيبتي
رمشيت بعينها..ابتسمت و رجعت باوعت ع حمودي
ريم..حبيبي حمودي..كمت ابوس بي و هو يضحك و بعدين يفتح عينه و يصفن عليه..واني اضحك ع شكله.
باوعت ع خاله خلود مبتسمه و تباوع علينا
خلود..شوفي شلون يفتح عيونه
ريم..اي
خلود..صار عمره ٦ اشهور
ريم..اي كبر و راح يصير رجال..مو..احجي ويا و هو يكركر من الضحك
خلود..عباله دضحكي
ريم..اي ههههههههه

دخل قاسم و اجه يمي..دنك و يباوع ع حمودي
اني بسرعه باوعت ع ساعه حصير بالوحده و خفت ليجي عمو خالد.
باوعت ع عمو قاسم جان يبوس بأيد حمودي
ريم..عمو اني لازم اروح
هز راسه
قاسم..اي بويه اخذي راحتج..اخذه مني و اني كمت باوعت ع خاله خلود
ريم..باجر انشالله امر هم عليكم
خلود..الله وياج يمه.

ابتسمت و رحت بوست اسراء
وراهه باوعت ع حمودي و غمزتله
و عمو قاسم يحجي ويا
قاسم..يلا سوي بيباي
دخلت ماما و كتف ايدها لصدرهه
حليمه..ها يمه حتروحين

هزيت راسي  و رحت يمها
ريم..اي بس شوي اريد احجي وياج
حليمه..اي تعاي
طلعنا من الغرفه و اني بسرعه باوعت عليها
ريم..ماما طمنيني ع براء يعني شلونها
حليمه..هه لتخافين مابيها شي
ريم..مسألتج عليه؟

حليمه..اكلها اني كامت تطرد بيه تريدين تسأل عليج
ريم..اني مو نفسج لان اني تربيت وياها
حليمه..شتربتي تره عمرج ٨ سنوات و اخذتج
ريم..بس معفتها نفسج.
حليمه..ولا اني عايفتها و داروح و اشوفها
ريم..تروحين تتعاركين ويا عمه سناء مو علمود تشوفيها
حليمه..اهو ريم تره والله مالي خلك لسانج الزفر هذا
امشي روحي رجعي لبيتج احسن

ريم..هو تره حروح اكيد ما ابقى لحد ميجي زوجج
حليمه..شنو زوجي شوي اسلوبج هذا عمج
تقربت منها و همست
ريم..بسببه كمت اعيش كوابيس بحياتي.. بسببه دمرت
حليمه..الرجال ممسوي اي شي الج..فد يوم ابقي هنا للعصر و خلينيا نشوف بلا شلون يتحرش بيج.. بس انتي مدري ع شنو مسوي دراما و تشردين منه و هو ممسوي اي شي و دذبين تهايم فوك راسه. و للاسف هو معتبرج نفس بنته و يحبج اكثر من بناته.

جانت تحجي و اني متحملت اشوفها ادافه علي..ادافع ع الشخص الدمر كل حياتي.
عطت بصوت عالي
ريم..لدافععععععين علي كدامي..انتي كلش زين تعرفين طينته بس متردين تخسرين فلوسه..كله بسببج الديصير وياااااي كله بسببج انتي و بسبب زوجج..جنت احجي و دموعي تنزل ع خدي

حليمه..نصي صوتج لا احط القندره بحلكج يا حيوانه..سكتتلج هواي و كلت طفله خليها بس طلعتي يحتاجلج تربيه من جديد
بهل لحضه طلع قاسم من الغرفه و بايده  حمودي
ريم..لا والللله تعاي ربيني وره ماصار عمري 16 تعاااااااااااي
رفعت ايدها و ضربتني راشدي قوي.
و ركعت جرتني من شالي تملخ بيه
حليمه..يا كلبه يا بت الكلب