مساء الخير احبتي
اتمنى لكم قراءه ممتعه
بقلم: زهراء البياتي
حليمه..دروحي ع شنو خايفين اضمون باجر عكبه من تصيرين حامل شسوين اتفشين بطنج بأبره
ريم..اكيد حتسوي مشكله ويا حمزه
رفعت حاجبها مستغربه
حليمه..و شنو زوجج خرخاشه بيد امه..اصلا لازم هو يكللها حاخذها لريم و تصير زوجتي حته يسد حلكها مو تخافون منها و عبالك مسوين جريمه.
كعدت ع جربايه و لزمت راسي بتعب
ريم..ماما روحي للبيت كافي
شمرت العلاكه ع جربايه و غمتني
حليمه..ضلي خافي من هل عجوز
اروح اني احسن
راحت للمرايه عدلت شالها و طلعت من الغرفه
ضليت اني فاتحه اذني و اسمع خاف يصير صوت او عركه من تنزل يم خاله صبا..بس مسمعت شي.
اخذت نفس براحه و رجعت نمت ع ضهري و احس راسي من التفكير يريد ينفجر.. بعدين كلت ع شنو اني هيج مسويتلها حساب و خايفه منها..ماطول حمزه واكف وياي خلص بعد ميهمني شي.
كمت و اخذت العلاليك ضميتهن يم الجربايه بالمجرات
و رجعت طلعت و رحت لغرفه خاله صبا..بدلت ملابسي و نزلت جوه.. لكيت البيت هدوء و جده فوزيه دتسوي العشى و خاله صبا دتباوع تلفزيون.
ارتاحيت من شفتها هيج و رحت يم حده فوزيه اساعدهه بالعشى.
و من اجه حمزه تعبان من الشغل..تلكيته و اني مبتسمه
هو بسرعه ابتسم و باسني من راسي.
دخل و اني سديت الباب وراه
راح للاستقبال..باس راس امه هيه بسرعه وخرت راسها
حمزه مستغرب و لا انصدم من رده فعلها.. دار وجهه بسرعه و طلع راح صعد فوك يسبح.
اني رجعت كمت افرش بالسفره
و احضر بالاكل..و حته كصكصت طماطه و خيار و اللبن البارد حطيته..سويت سفره كلش مرتبه
و جده فوزيه من شافتني هيج مكدرت متحجي
فوزيه..هذا كله علمود حبيب الكلب
مجاوبتها بس
رفعت راسي و ابتسمت.. رجعت دنكت ع ماعون الزلاطه و هيه جانت تشتغل و تباوع عليه.
اخذت الصينيه و حطيتها ع سفره و وزعت المواعين و الكلاصات.. باوعت ع درج انتظره ينزل.
خاله صبا كعدت تباوع تلفزيون و جده فوزيه صاحتها
..متاكلين
صبا..ممشتهيه
ريم..مهتميت و كعدت يم جده فوزيه.
شوي و نزل حمزه..اول مدخل و شافني ابتسم بوجهي
كعد يمي و كال بتعب
حمزه..هاييي شنو.. اليوم مدلليني
فوزيه..اي اشكر مرتك
حمزه بسرعه باوع عليه و ابتسم
..عاشت ايدج حبيبتي
ريم..بالعافيه
رجع باوع ع امه..جانت متباوع علينا..جانت عيونها ع تلفزيون..رجع جر نفس و ضل ياكل بهدوء
و اني عيوني تتنقل بينه و بين امه.
من خلص عشى بسرعه كام و راح للحمام يغسل
و اني ضلت عيوني ع خاله صبا احسها دتفكر بشي او شارده بغير عالم لان جان بالهه مو يمنا
نفضت افكاري و كلت ممعقوله اسوي شي.
فزيت من تفكيري ع صوت جده فوزيه
..غسلي الطباخ وياج مو تنسين
باوعت و هزيت راسي
ريم..ماشي
فوزيه..يا يمه هسه شلون اكوم.. ادري شماله حمزه مياكل الا بلكاع شله بهل تكسير هذا..خلينا ناكل بالمطبخ ع ميز اروحلنا
كامت و هيه تدردم.
أنت تقرأ
أسيرة في موطنك (مكتملة)
General Fictionقصه عراقيه..حقيقه فتاه صغيره..تعيش مع أبيها و خواتها تتغير حياتها حين تعلم أنها أبنت شخص ثاني و تنتقل للعيش مع أمها فماذا تواجهه من صعوبات؟ و ماذا يكون مصيرها زهراء البياتي
