أسيرة في موطنك (مكتملة)

البارت ٧١

مساء الخير احبتي
اتمنى لكم قراءه ممتعه

بقلم: زهراء البياتي

براء..ريم هو..هو صاحني..هو رادني..هو جرني للغرفة
حجتها و هيه تبجي
قاسم جر باكيت الجكاير و باوع عليها
..افا اني اجر هايشة لغرفتي شبيه تخبلت
براء..انته انته الصحتني
نفخ نفس بالجكاره و رفع تلفونه.
قاسم..مو جنت فاتح فديو طول الوكت..تردين اسمعج صوتج

ريم..اباوع عليها وجهه اصفر و جرت بسرعه الدشداشه لبستها و هيه تبجي.
متمحملت اشوفها هيج..ركضت عليها.. صعدت ع جربايه و جريتها من شعرها..قاسم انصدم من حركتي و اجه يجر بيه.
قاسم..لا لا عوفيها..يمعودة
ريم..عوفني اليوم اموتها بأيدي..يا ساقطه يا عار
جنت املخ بيها و هيه تعيط جواي
براء..حمووووووت حموووت
ريم.. تحطين عينج على زوجي يا كلبه..ولج دخلتج بيتي و وثقت بيج

جرني قاسم من فوكاهه و هو يهدي بيه
قاسم..عوفيها يا بويه
ريم..عوفني
اباوع عليها جرت الدشداشه لبستها عسريع و ترييد تطلع من الغرفه.. بسرعه دفعت قاسم و ركضت عليها.
جاي تطلع من الباب بس جريتها من شعرهه نزلتها للكاع
ريم..اله اطلع حركتييييي كلهاااااا بيج يا ساااااقطه
دنكت املخ بيها و هيه تملخ بشعري.

جرني قاسم حيل و نتر بيه
قاسم..راح تتأذين انتي حامل.. عووووفيها
طلعت هيه من الغرفه ركض و اني اعيط عليها
ريم..اخذي بناتج اخذذذذذذي بناتج و طلعي من بيتي
باوعت ع قاسم
..عوفني خلي اسحلها  بأيدي للشارع
قاسم..شسحلين ولج..استغفرالله..مو هيج مو بالكتل
ريم..عوفني
وخرت و رحت كعدت على الجرباية و اني اتنفس عسريع. و قاسم يفرك بوجهه

بقيت صافنه كدامي و هم متحملت..وكفت ع حيلي و ركضت طلعت بره الغرفه..نزلت جوه و شفتها بالاستقبال لازمه جنطتها و تكوم بجهالها و هيه تبجي
دخلت و 
تخصرت..عطت بيها
ريم..يلاااااا من اليوم ماريد اشوف وجهج
دارت وجهه وباوعت عليه بحقد
براء..انشالله متشوفين السعاده طول حياتي. انشالله اشوفج اتعس انسانه بالعالم
ابتسمت
ريم..دعاء الكح.... ميوصل للسكف

هزت راسها
براء..مشكوره خيتي..مشكوره على ضيافتج.. يجي يوم و تحتاجين الي.. و ادوسج برجلي
فتحت عيوني بصدمه
ريم..والج عين تكوليلي خيتي..و لج انتي حطيتي عينج ع زوجي..لج طلعت منا رحتي صعدتي فوك اله.
ولج شلون كدرتي هيج تسوووووووين بيه
ضليت ابجي و احجي بحركه
ساعدتج و دخلتج بيتي و كلت كولشي اسويلج
تالي متالي هيج تجازيني؟؟؟ اني صوجي دخلتج بذاك اليوم الاسود.. اني صوجي.. لازم من البدايه اطردج.
و هسه كدامي كدامممي..اخذي جهالج و طلعي من بيتي..و رجعي يم عمه سناء هناك مكانج يمها لان هيه نفسج ساق... و كح...... يلا يلااااااااا طلعي من بيتي يلاااااااا

عطت بيها و هيه شالت بتها الصغيره و جرت الباقيات
فاتت من يمي و هيه تبجي.. اباوع على بناتها صافنات عليها.
طلعتهن بره و رجعت جرت جنطتها..و قبل لتطلع باوعت عليه بحقد.
ريم..يلاااااااا طلعي