أسيرة في موطنك (مكتملة)

مهم جدا

مساء الخير أحبتي

طبعا اعرفكم كلكم محروك كلبكم من اخر بارت
و اعرفكم مقهورين ع ريم و بنفس الوقت كارهيهه.

التعليقات انترست ع بارت..ناس تحجي ع ريم و ناس ع حليمه و ناس كرهوهه للقصه و اجتني رسايل حته مكتوب بيها بعد منتابعهه للقصه؟!!!

اول شي خلي احجيلكم و اريدكم تفتهموني
اني كاتبه هذا اول شي و داسرد قصه حقيقه
تعرفون شنو حقيقيه؟! يعني القصه مو بيدي القصه مو من خيالي القصه قصه واقعيه عاشتها البطله و اني داكتبها و اسردها!

ثاني شي صار هجوم مو طبيعي ع ريم
طبعا البطله مضاجت بلعكس فرحت ع تفاعلكم! و حركان كلبكم هذا يدل على انو انتو عايشين القصه وياهم.

بس خلي اكللكم شي!
كل وحده خلي تحط نفسها بمكان ريم
كل وحده خلي تحس روحها عمرهه ١٢ و من هيه ٨ سنوات عرفت هيه بت شخص ثاني و عافت خواتها و راحت مجبوره تعيش ويا امها! من راحت انصدمت بسوالف امهه و دلعها كدام خالد بحيث الام مكالت هاي مراهقه و يمكن تتعلم مني.

و تجون تكبرون لحد ميصير عمركم ١٢
مراهقين و انتو تعرفون بفتره المراهقه هنا لازم التربيه تبين هنا لازم الاهل يحطون عيونهم على الأطفال
لان هاي فتره المراهقه يكون بيها الانسان مو واعي لان ممار بتجارب تعلمه و لا شايف الحياه و شنو بيها و شنو ينتظره بالمستقبل..بهاي الفتره الانسان يحس نفسه جبير عود و يريد يحب و ينحب.

احنه..كمثال اني و انتو المتابعين..من مرينا بفتره المراهقه اهلنا علمونا..اهلنا أدبونا..اني وحده من الناس من جنت مراهقه و اذا اسوي شي غلط تجي ماما اطيح حضي و اتوبني من الاشياء الغلط..واذا احجي شي بدون قصد او افتن او اسوي مشاكل تجي تكعد تلومني و تحجي وياي و تعلمني!

بس اتخيلو نفسكم انتو مراهقين متعرفون الصح و الغلط و تشوفون امكم و شلون تدلع كدام زوجهه و اشوفهه تجي هيه تشجعكم على الانحراف!!
شراح يصير بيكم!؟ طبعا حطلعون من الطريق الصح وراح ادخلون للطريق الخطأ..لان هذا كله صوج التربيه

اني مراح اكدر هسه اكللكم ريم تتغير او يمكن تبقه لفتره وره امها او يمكن توعى..هذا الشي حتعرفو من خلال القصه! بس ماكو حاجه تجون و تكولون احنه حنترك القصه؟!
تره من حتحجون هيج اني هم مراح اكدر اغير شي من القصه لان هيه قصه حقيقيه و واقعيه.

اتمنى افتهمتو كلامي
و شكرا لتفاعلكم ❤

مع السلامه
زهراء البياتي