أسيرة في موطنك (مكتملة)

البارت السادس و الثلاثون

مساء الخير احبتي
اتمنى لكم قراءه ممتعه

بقلم: زهراء البياتي

ثالث يوم الفاتحه.. بيت سعدون

ريم..جنت كاعده لابسه اسود و الشال على راسي و متكيه..و ماما يمي تفرك بأيدي و تباوع عليه بخوف..و اني جنت دايره وجهي و اباوع ع صوره اسراء و دموعي تجري على خدي بدون صوت.
حته دفنتها مشفتها لان تخربطت و خلوني بالبيت.
حته مودعتيني يخيتي.. ليش هيج هااا ليش.

غمضت عيوني و نزلن دموعي
و ذكرت اول مره اشوفها
(رجوع للماضي)
أسراء..يا مخبل هذا لو شنو تعال عمو وين رايح
شغل السياره عمو اشرف و طلع
رجعت البنيه باوعت عليه
اسراء..انتي منو شصيرين من حليمه
ريم..حليمه تصير ماما
شهكت
اسراء..يا فد لا انتي بتها..تعاي حبيبتي تعاي

فتحت عيني و شهكت شاهكه بصوت عالي
ماما بسرعه لزمتني
حليمه..ولج ريم شبيج..وجهج اصفر.
عدلت كعدتي و اباوع ع نسوان كلهن لابسات اسود و مدنكات راسهن.. هزيت راسي بنفي و عيطت بصوت عالي
ريم..اسراااااء مميته..كلتها و كمت وكفت ع حيلي
ماما رجعتني و تريد تسكتني بس اني دفعتها
ريم..عوفيني داكلج مميته
حليمه..ريم اشش
رجعت اباوع ع نسوان و دموعي تجري
ريم..هستوني سمعت صوتها بأذني والله والله هستوني سمعت صوتها..هنا هنا واني كاعده سمعت صوتها.
رجعت باوعت ع ماما
ريم..ماما انتي اكيد سمعتي مو
حليمه..تعاي نطلع يمه

بيبي امينه بس شافتني هيج كامت تبجي بصوت عالي
باوعت عليها و كتلها بتوسل
ريم..بيبي والله سمعت صوتها..وينها اسراء
هدى كامت و اجت تمشي بخطوات بطيئه.. عيونها حمر و وجهه اصفر.
وكفت كدامي و عيطت بصوت عالي
هدى..اسراااااء ماتتتتتتتت ماااااتتتتتت مااااتتتتت
كامت تعيط و ادك ع راسها..وكعت ع كاع و ضلت تشيل ايدهه و تلطم ع راسها
اختيييي ماتتتت اختي راااااحت
و اني بس شفتها هيج
كعدت ع ركبي كدامها و ضليت الطم ع رجلي و ابجي

و النسوان ويانا كلهن كامن ينعن و يبجن
لحد ما راح حيلي و ردت اتخربط..بس جده فوزيه كالت لماما اخذيها بسرعه..ماما دنكت و جرتني من ايدي..بلكوه وكفتني و اخذتني بره الاستقبال.
تسحل بيه و اني ابجي.

اخذتني لغرفه جده فوزيه و باوعت ع فراش زدت بالبجي
ريم..هنا هنااااا اسراء جانت نايمه
حليمه..يمه ريمه لتسوين هيج بنفسج
دفعت ايدها..و رحت للفراش شفته مغيري.
ريم..ليش ليش معفتو الفراش ليش معفتو غراضها.
ليش اخذتو اسراء منا مو جانت نايمه و مرتاحه. 
كعدت ع كاع و ايدي حطيتها ع فراش
ريم..اسراء بعدها بعدها صغيره ماما.. بعدها متهنت بحياتها ماما.. ماما اسراء بعد عدها احلام هواي محققتهن..اسراء متهنت بأبنها..اسراء مشافت شي بحياتها.. شلون تموت شلون تعوفني و تروح.. شلون هيج..حطيت راسي ع فراش و كمت ابجي و اشهك.