مساء الخير احبتي
اتمنى لكم قراءه ممتعه❤
بقلم: زهراء البياتي
اليوم استراحه بس هذا بارت هديه
بمناسبه وصول القصه اكثر من 100 ألف مشاهده.
اندك الجرس و قاسم بسرعه راح فتحه و سمعت صوت حمزه
..وينها ريم؟
قاسم..هلا بيك حبيبي
باوعت حمزه حضنه لقاسم
حمزه..شلونك حبيبي
قاسم..الحمدالله
وخر قاسم و كله
..يابه سلم بالاول
حمزه..والله اعذرني دايخ من الصبح تعرف شغل و اريد اليوم اخذهه حته اشتريلها ملابس للمدرسه.. و ماعندي وكت بس ساعتين
قاسم..هسه ادخل شكو واكف بالباب.
دخل حمزه و هو مدنك
رفع راسه و شافني
قاسم.. انطيني حمودي..اخذه لخالتج خلود
هزيت راسي و اخذه من ايدي.
و حمزه واكف وراه و يفرك بعينه بتعب.
كمت و باوعت علي
ريم..هسه نروح عبالي العصر
حمزه..لا هسه
باوعت ع غرفه مال اسراء و رجعت اباوع علي
ريم..اسلم عليها و اجي
هز راسه بتفهم
و اني رجعت للغرفه..دخلت..شفت قاسم ديباوع ع خاله خلود البحضنها جان حمودي و اسراء نايمه.
دخلت ع كيف و اخذت الشال الجان ع كرسي
قاسم دار وجهه
..حتروحين
ريم..اي ردت اسلم عليها بس نايمه
قاسم..ي خليها نايمه..شكرا
ريم..ع شنو
قاسم..لان سبحتي حمودي
ريم..لا عادي شنو قابل شمسويه..حجيتها و حطيت الشال ع راسي
خلود..الله وياج يمه
ابتسمت
ريم..مع السلامه
طلعت من الغرفه و باوعت ع حمزه جان يفتر بالكليدور
من شافني بسرعه كال
حمزه..يلا
ريم..مو لازم البس
حمزه..ليش شبيها عبايتج
باوعت و رجعت رفعت راسي
ريم..مو كلت ابدل
حمزه..لا ميحتاج
هزيت راسي و هو طلع و اني وراه.
سديت الباب و هو باوع عليه و ابتسم
حمزه..لايكلج الحجاب
ريم..اي انشالله من اداوم هم حلبس
باوعت علي حسيته فرح مدري ليش
صعدت بالصدر و هو صعد يمي و لبس المناظر
و شغل التبريد.
حمزه..شلونها اسراء
حجه و شغل السياره
ريم..احسها يوم عم يوم دتسيئ حالتها
حمزه..لتخافين.. بس هو الكيمياوي ياخذ العافيه
ريم..ماعرف.. اليوم حته مكدرت تكول حرف
حمزه..تشافى تشافى انشالله
ريم..انشالله
حمزه..و حمودي
ابتسمت
ريم..فدوه لكلبه اليوم سبحته..و خطيه عمو قاسم دخل وياي بالحمام و شافني شلون اسبحه
حمزه..زين ليش انتي..هدى وين..لو امها لاسراء وينها
ريم..هدى كاضيتها نوم حته عمو قاسم ميأمن بيها و خاله خلود يم اسراء بقت
بس هو قاسم دخل يتعلم شلون يسبحه حته هو بعد لوحده يسبحه
حمزه..والله خطيه صعبه ع رجال
ريم..و نوب عنده شغل و من يروح للشغل يحير وين يعوف الطفل.
حمزه..الله يساعده حياته كلها انكلبت
ريم..انشالله ترجع اسراء احسن من قبل و يرتاح
حمزه..انشالله.
باوعت علي
ريم..كلتلي العصر تجي تاخذني
حمزه..لا ماكدر العصر
هزيت راسي و رجعت اباوع من الجامه
حمزه..يعني مقرره تتحجبين من اداومين
هزيت راسي
ريم..اي
حمزه..ردت احجي وياج بهل موضوع بس زين و انتي اخذتي هل قرار من نفسج.
أنت تقرأ
أسيرة في موطنك (مكتملة)
General Fictionقصه عراقيه..حقيقه فتاه صغيره..تعيش مع أبيها و خواتها تتغير حياتها حين تعلم أنها أبنت شخص ثاني و تنتقل للعيش مع أمها فماذا تواجهه من صعوبات؟ و ماذا يكون مصيرها زهراء البياتي
