أسيرة في موطنك (مكتملة)

البارت الرابع عشر

مساء الخير احبتي
اتمنى لكن قراءه ممتعه

بقلم: زهراء البياتي

طبعا اني اكدر اكلب القصه كلها حزن و اكتبلكم كل التفاصيل الممله من يبجن ع اختهن زهراء و اكلب القصه حزن..بس اني اختصرت هذا الشي لان احنه العراقين منا خلصان كلبنا منريد ننقهر اكثر..💔

....

ريم..لبست بدي نص ردن اسود و شعري سويته ضفيره و حطيت الضفيره صفح و لبست بنطلون و حذاء هم بلون الاسود
رحت للجنطه و اخذت سوارين و لبستهن بأيدي
و رجعت سديت الجنطه
براء..يمعوووده دتعاي مو تأخرنا
ريم..اي اي جايه

وكفت يمها
ريم..يلا
براء..يلا امشي
نزلنا اني وياها و باوعنا ع بيبي نايمه
ريم..كلتيلها حنطلع
براء..ها اي اي كتلها يلا امشي نطلع قبل لتجي عمه سناء و ادردم فوك راسنا
ريم..يلا

طلعنا بره و اني حطيت ايدي فوك راسي علمود الشمس
ريم..شكد حاره
براء..اي
ريم..اكلج شو عمه سناء هواي تطلع صايره
براء..هذا الاريد اعرفه
ريم..شنو يعني
براء..حته اني منتبهه عليها بس تطلع و ماعتقد يم صديقاتها
ريم..لعد وين
براء..مادري بس احسها دتسوي مكسوره
ريم..لا خاف يم صديقاتها
براء..او يجوز صدك تروح يمهن

مشينا و رحنا للشارع الوره
ريم..خاف يطلع مو بالبيت
براء..نجرب حضنا
راحت كدامي براء و دكت الباب حيل

طلعتنا خاله زينب..امه لزيدون
زينب..هلا حبيبتي شلونج
براء..هلو خاله الحمدالله انتي شلونج
زينب..الف الحمدالله بنيتي
والله فرحت من شفتج مبتسمه..عفيه بيج صيري قويه كل انسان ويومه حبيبتي و اختج خلصت من هل دنيا الزفره هاي و ارتاحت
براء..الله يرحمها
زينب..امين..باوعت عليه و عكدت حواجيها
منو هاي البنيه

براء..هههههه خاله هاي ريم
فتحت حلكها مستغربه
زينب..ريمه ريمتنا؟؟؟
ابتسمت
ريم..اي خاله اني نفسي ريمه
زينب..ولج كبرانه..تعاي شو
رحت و جرتني حضنتني و صلت تبوس بيه

زينب..يا يا و نوب ترفهه..بلا باعي علي
يا ماشالله اتخبلين..شبسرعه كبرتي ولج
ولو حته زيدون الصخل كبر
ريم..هههههههههه بعد خاله كبرت نفس الصخل زيدون
زينب..يا فدوه لكلبج شلونج هناك يم امج مرتاحه زيدون دائما يحجي بيج
ريم..الحمدالله

براء..خاله ع طاري زيدون وينه نريده بشغله
زينب..زيدون مو بالبيت يم ابو بالمحل
براء..ها لعد عادي اذا يرجع يمر علينا
زينب..اي تدللين
براء..مشكرا خاله
زينب..تعالن ادخلن شعدجن واكفات
ريم..لا خاله تسلمين لازم نرجع لان بيبي متقبل
زينب..اي ماشي ديربالجن ع روحجن و من تمشن دنكن يمه و خاف تشوفون هذول منعولين الصفحه الله ينعلهم دنيا و اخره الامريكان ابد لتباعون عليهم بسرعه دنكو و امشو