أسيرة في موطنك (مكتملة)

البارت الثامن و العشرون

مساء الخير احبتي
اتمنى لكم قراءه ممتعه ❤

بقلم: زهراء البياتي

هز راسه و حجه بهدوء و هو يباوع ع امه
حمزه..شو دتزوجين مرتي كدامي خير؟ رجع باوع عليه و هز راسه بتوعد
..انتي الثانيه حسابج بعدين
ريم..صفنت مستغربه معرفت شيقصد و الصدمني هو ميعرف جنت عبالي هيه كايلتله على العريس و يعرف بي بس ميعرف بموافقتي!

صبا..شنو مرتك..يا يمه شبيك داكلك ناس اجو خطبوهه
دنك ياكل بهدوء و خاله صبا صارت اعصاب
صبا..شبيك باوع عليه احجي شنو مرتك.. بعدين شكو تحاسبهه البنيه قابله انته شلك علاقه
رفع راسه و باوع عليها
حمزه..بلا شلون شلي علاقه هيه غير زوجتي ع سنه الله و رسوله

صبا..اي بس هيه قابل صدك زوجتك..تحجي و ايدهه كلها ترجف و صوتها يرجف من العصبيه
حمزه..يمه لخاطر ربج سدي الموضوع تره راجع من الشغل و ميت تعب
صبا..انته شبيك احسك دتستهزأ يمه اني ردت اخابرهم اصلا اخليهم يجون مشايه
هز راسه و دنك ع اكل
حمزه..اي دخلي اشوف زلم يعتب باب البيت
صبا..يا صدك تحجي انته

حمزه..يمه اخر مره داكلج سدي الموضوع
عاكت بصوت عالي
صبا..لا ما اسكتتت! شنوووو اسكت انته كاعد تستوعب شنو دتحجي ابني هااا دتستوعب دتكول على هاي مرتي شوووكت صارت مررررتك؟!
حمزه..هاي عدها اسم و اسمها ريم و صارت مرتي من يوم العقدت عليها هنا

ريم..من شفتهم واحد يعيط ع لخ..خفت كلش و المشكله العركه من وراي..حسيت بلحضتها بذنب و عيوني بسرعه دمعن و اني اباوع شلون الام و الابن ديتعاركون. اتمنيت مداخله هل بيت و لا اسبب خراب بين الام و ابنها. لو عندي الجرئه جان بسرعه عطت بنصهم و اكلهم اني موافقه ازوج بس لتتعاركون بسببي اني ماعندي احد و متعوده.. ماريد حمزه يخرب ويا امه او امه يصير ماعدها احد بسببي.

كامت خاله صبا و عاطت بوجهه و هيه تباوع علي
صبا..انته شدتحجي شبيك لييييش تغيرت احنه مو متفقين البنيه تتزوج وره ٣ سنوات اربعه
حمزه..اني محددت السنه كم سنه بالضبط..ثاني شي اني ع اتفاقنا و متغيرت بس ريم متتزوج الا تتخرج من السادس.
صبا..و احنه شنو يضمن النا راح يجيها عريس بذاك الوكت
نتر بيها
حمزه..ببببببسسسسسس عااااااااااااد..داكلج مرتي و بعدج تحجين بعريس شبيج يمه شبببيج؟!

صبا..مرتك؟؟ مرتتتتك مو انته مكاعد تفتهم هاي الكلمه يمه هاي الكلمه تصيحها للبنيه الراح تنيمها يمك و اتصير حامل منك و تعقد عليها سيد و محكمه هم و اصير زوجتك بالشرع و القانون.

حمزه..ها خوش لعد
كام من السفره و راح طلع من الاستقبال..حته يغسل بالحمام.
ريم..باوعت على خاله صبا الجانت تباوع عليه بنضرات حقد..بس شفت نضراتها نزلت دمعتي ع خدي
صبا..عرفت لاعبه بعقله عررررفت اني عررررفت..كالتها و لطمت ع رجلها