أسيرة في موطنك (مكتملة)

البارت الثالث عشر

مساء الخير احبتي
أتمنى لكم قراءه ممتعه ❤

بقلم: زهراء البياتي

الموت اخذلي أحباب راحت روحي  وياهم
زمــن غـــدار عـلــيه  ندار
شو وحشه الدار ضلت بلياهم

ريم..فتحت عيوني و صوت هوسه بس الصوت بعيد و عياط ماما ماعرف شتعيط
رجعت غمضتهن و احس راسي يريد ينفجر
شصار؟!
عكدت حواجبي و اسمع صوت اسراء يمي تبجي
..حبيبتي ريمه فتحي عيونج يلا

فتحت عيني و شفتها كدامي
كاعده و عيونها حمر و تبجي..و صريخ ماما
اي ماما دتعيط؟! درت وجهي و اخذت نفس
احس روحي مو وياي.. بقيت بالدقيقه مغمضه عيوني يلا شوي راحت دوخه راسي

اسمع ماما تعيط و تبجي
حليمه..ولكمممممم بنيييييتي هاي بنيييتي
من سمعت هيج احس بروحي اجمدت و اذني مكمت اسمع بيها.. زهراء ماتت!!! هاي الكلمتين بس داسمعها
رجعت باوعت ع اسراء و حجيت بكلمات متقطعه
ريم..اااسس.اسرر..اسراء لتكوليل..لتكولليلي زهراء مااااتتت..هزيت راسي بلا و كمت ابجي
هاااا لتكوليلي اسراء لتكوليلي اختي ماتت اني سمعت غلللط مووو..باوعت ع غرفه جنت بغرفه بيبي امينه
احس هسه وعيت

عدلت كعدتي و باوعت ع اسراء
ريم..شبيج تبجين
اسراء مدنكه راسها و تبجي
ريم..اسراء رفعي راسج اسراء باوعي عليه ليش تبجين
حجت و هيه تبجي
اسراء..رريم اختج زهراء قبل شهرين اندعمت و ماتت

ضليت صافنه عليها و غمضت عيوني بوجع..رفعت ايدي لزمت كلبي..اي كلبي ضل يوجعني عبالك يريد يتوكف و مينبض..باوعت ع غرفه احس روحي بحلم او بعالم ثاني..رجعت غمضت عيوني و دموعي تنزل اريد افتحهن و اشوف روحي كاعده من الحلم

اسراء كامت و لزمتني من اكتافي
..ريم لتخوفيني عليج احجي شي
فتحت عيني و شفتها كدامي
ريم..زهراء ماتت اسراء
بسرعه اسراء حضنتني حيل و ضلت تمسح ع شعري و تبجي
اسراء..عمت عيني عليج

جملتها خلتني انفجر بالبجي بحضنها
كمت اشششهك بصوت عالي و من اتنفس جسمي كله يرجف..و هيه تحضني حيل و تبجي وياي
وخرت من حضنها و كمت بسرعه طلعت من الغرفه
و هيه اجت وراي

جنت نفس المخبله امشي..دخلت للاستقبال و شفت الكل موجود و ماما كاعده بالكاع و شعرهه مكفش و عمو خالد فوك راسها..زيدون ع صفحه واكف و عمو اشرف كاعد و حاط ايده ع راسه و يبجي
و الباقين كلهم يباعون عليه
ماما من شافتني..زادت بالبجي و عاطت
حليمه..ولللللج ررررريم اختتتتتتج رااااااااحت

مشيت بخطوات بطيئه..لحد مصرت كدامها
كعدت ع ركبي و دموعي تنزل
ريم..رررررراااحتتتتتت ررراحت زهوره ماما راحت بنتج الحرمتيني منها..راحت اختي راحتتت روحي ماما
بنننتج بننننتج رااااحتتتت راااحت..العفتيها تبجي وراج و تتوسل بيج تبقين يمها رااااحت..احجي و ابجي و عيوني عليها.. و ماما دنكت راسها تبجي
ريم..اختتتتتتي مييييته من شهرررررين و احنه منعررررررف ماما..شتكووووولين يم ربج بيوم الحساااااب ع سويتي بيه و بخواااااتي..كمت اعيط و ابجي