أسيرة في موطنك (مكتملة)

البارت الحادي عشر

مساء الخير احبتي
أتمنى لكم قراءه ممتعه💕

اتأخرت بالتنزيل
لان كتبتلكم بارت طويل لعيووووونكم ❤

بقلم:زهراء البياتي

ريم..من شفت البيت كله يخزر بيه و كامو ميحبوني و عمو قاسم عصبي و الكل متوترين
بسرعه رحت لغرفه ماما..اول مدخلت هيه كلتلي ارجعي للغرفه بس اني توسلت بيهه ابقه يمها
بس مكتلها ع عمو قاسم لان يمكن اذا تدري هم تسوي مشكله
دخلتني ماما الغرفه و شفت عمو خالد امدد ع جربايه و يدخن جكاره..من شافني بسرعه كال لماما
خالد..ليش رجعت
حليمه..عوفهه خالد يمنا بس هل يومين
لان هيه تخاف كامت من اسراء و هدى..باوعت عليه و حجت بقهر
سوده عليه صار عدهه خوفه من بناتك

خالد..خليهه تنام هنا بس شوكت متريد ترجع هذيج غرفتها و ماكو داعي تخاف..لان ميكدرن يسون شي واذا فكرن يسون اي غلطه اكسر ايديهن
حليمه..فدوه لكلبك وربي يحميك و يخليك الي تاج و خيمه فوك راسي يبعد كل هلي
رجعت ابتسمت و باوعت عليه
حليمه..يلا يمه روحي بوسي ايد عمج هذا بعتبار ابوج هذا سندج

ريم..مشيت ورحت يمه و هو مد ايده و ابتسم
محبيت ابوس ايده بس خفت لا ماما ترزلني
اخذت ايده و بستها
خالد..عفيه ببنيتي
حليمه..شوفها شلون عاقله و رزنه بنتي..هاي كله تربيتي كون خلود الله يهديها و هم تربي بناتهه مو اضل ملتهيه بالعركات و السوالف التعبانه و عايفتهن
خالد..حليمه كافي تره راسي راح ينفجر
حليمه..يروح حليمه..اجت تقرب و كلتلي
يمه وخري شوي

وخرت و هيه اجت كعدت يم راسه و كامت تفرك براسه
حليمه..يمه ريمه فركي رجل عمج
باوعت عليها و هزيت راسي بلا بسرعه..مستحيل افرك رجله لان احسهه وصخه
هيه بسرعه خزرتني
خالد..هههههههه بتج هاي يمكن تلعب نفسها بيها وساس نظافه
حليمه..لا اكو وحده تلعب نفسها من عمها..يلا يمه
خالد..عوفيها ماريد انتي بس ضلي فركي راسي و هسه حرتاح
حليمه..تدلل يبعد هلي

ريم..من شفتهم هيج..اسحبت على كيف و رحت كعدت على السرير من الجهه الثانيه
و من صار وكت النوم..ماما راحت جابتلي فراشي و فرشته بالكاع..فرحت من شفت ماما هيج مهتمه بيه حسيته تحبني هواي يمكن بس هيه بهل بيت تحبني و الباقين جانو يجذبون عليه ميحبوني و اولهم اسراء جانت نفس اختي بس بسرعه طردتني من وره هدى

حلميه..يلا يمه تعاي نامي
رحت و مددت ع الفراش و باوعت عليها
ريم..شكرا ماما
حليمه..منزلتي اتعشيتي اجيبلج عشى
هزيت راسي بلا
ريم..مجوعانه
حليمه..زين لعد نامي يمه مو زين عليج السهر
ريم..تصبحين ع خير
راحت هيه للجربايه نامت و كالت
..وانتي من اهله حبيبتي

ريم..بقيت افكر بالفراش بأسراء هسه شدتسوي
اكيد كامت تكرهني هواي..بقيت افكر و ماما و عمو خالد يضحكون و يسولفون..لحد منعست و غفيت