مساء الخير احبتي
اتمنى لكم قراءه ممتعه
بقلم: زهراء البياتي
اسفه ع تأخير بس مردت انزله الا يصير 4000 كلمه
و غلسو ع سحك تره بتك ايد اكتب 😭💔
ريم..جنت كاعده ع جربايه و لابسه قميص ابيض و بنطلون قماش شوي عريض و حجاب اسود لفيته لفه وحده بدون ما اشكله عدل.. جنت كاعده و افرك ايد بأيد و متوتره كولش
و ماما فوك راسي تعوج بعلكها و معاجبها
حليمه..اوووف يربي صبرك
رفعت راسي و باوعت عليها
ريم..شكو ماما شكو..تره كاعد توتريني فوك ما اني متوتره
حليمه..من قهري غير
ريم..يا قهر بلا
حليمه..يمه دشوفي لبسج جنج رايحه مدرسه.. شنو هل قميص الابيض و نوب ايع بنطلون قماش و عريض
ريم..ماما هذا الكيته مالي خلك اكشخ و بعدين ملابسي نظيفه و مرتبه
حليمه..مو كولشي نظيف حلو.. بعدين هاي خطبه خطبه مو مدرسه حته هيج تلبسين والله راح تخزينا
ريم..استغفرالله ماما روحي نزلي جوه هسه شعندج فوك راسي
حليمه..خوش انزل و من يصيحوج انتي تنزلين لوحدج
بسرعه لزمت ايدها
..لا لا ابقي لعد انزل وياج ماكدر انزل لوحدي افشل
حليمه..لعد انلصمي و لطردين بيه..دارت وجها و هيه تأفأف
و رجعت باوعت على ملابسي
بعدين ليش لابسه شال انتي من رجعتي هنا ذبيتي بالبيت و شايف شعرج
ريم..لا هيج احسن مادري يمكن من اليوم حلبس حجاب لحد ما منعقد
حليمه..يربي البنيه هاي حتجلطني
ع حجينا سمعنا صوت عمو خالد ديصيح على ماما
اني هنا بسرعه كلبت عيوني بضيق
حليمه..امشي يلا ننزل
ريم..ماريد زوجح يصير بحسبه عود ابويه و يدخل بيه
اذا يحجي شي جوه يخصني اكوم ارزله..تردين بس انتي تحجين هو مدخله
حليمه..فوكاهه معاجبج لان صاير بمكان ابوج
ريم..يا اب ماما شدتحجين
حليمه..ديلاا ننزل مو شلعتي كلبي
جريت نفس و كمت و هيه ضلت تمشي و اني وراهه
و جان كلبي يدك عسريع و رجلي بلكوه دتمشيني من الخوف و التوتر.
نزلنا جوه و اول مدخلنا للاستقبال..جانو الكل كاعدين و عيونهم عليه مدري ع ماما الضلت تبتسم و تحجي بفرح
حليمه..اجيت خوما اتأخرنا
خالد..دفضيها و تعاي كعدي
حجاهه بنتر..اني بسرعه رفعت راسي و شفته كاعد ضايج و يسبح بالمسبحه و هو داير وجهه
ماما بسرعه راحت كعدت يمه و كلتلي
حليمه..تعاي يمه
اني كلت مستحيل اكعد يمه..رحت كعدت يم خاله خلود و ماما تخنزر بيه بس مهتميت و رجعت دنكت راسي من شفت نضرات عمو قاسم عليه.. الكاعد يم عمو سعدون.
ضلو الكل ساكت بالعشر ثواني و بده وراهه عمو سعدون يحجي بصوت عالي
سعدون..احنه اهل و حبايب و كلنا عايشين بيت واحد
و بيناتنا عشره عمر و زاد و ملح.. و اليوم راح نفتح موضوع خطوبه قاسم و ريم الي همه من اهل هذا البيت.. قاسم ابني و رجال هذا البيت و ريمه بنيتنا التربت من صغرها يمنا.
حليمه..و النعم منك خويه..انتو مقصرتو و اخذتو هاي اليتيمه و دخلتوهه بيتكم و اعتبرتوهه نفس بنتكم.
أنت تقرأ
أسيرة في موطنك (مكتملة)
General Fictionقصه عراقيه..حقيقه فتاه صغيره..تعيش مع أبيها و خواتها تتغير حياتها حين تعلم أنها أبنت شخص ثاني و تنتقل للعيش مع أمها فماذا تواجهه من صعوبات؟ و ماذا يكون مصيرها زهراء البياتي
