The Playing Coach's Manager (Redo)

Chapter Six

[Marie]

"May sinasabi ka ba tungkol sa basketball club namin?"

Ngayon ko lang nakitang ganiyan kaseryoso si Kenji.

Nilingon siya ng gulat na si William. Si Kenji naman, nakatingin lang sa kaniya.

"Kung meron, ako ang playing coach at captain ng basketball club, kaya pwede mong sabihin sa akin." Seryoso pang sabi nito.

Maliit lang si William kung ikukumpara kay Kenji. 5'5  ako at tancha ko, ganoon din si William. 5'10 naman si Kenji kaya nakita kong nanliit agad si kupal nang makita niya kung sino nasa likod niya.

Inalis ni William ang kamay ni Kenji sa balikat niya at naglakad na ito papaalis ng pabalang. That's right, loser. Get lost.

Sinundan pa siya ng tingin ni Kenji hanggang makalayo.

"Okay ka lang?" Tanong nito sa akin.

"Ayos lang. Thanks, though. Bubuntalin ko na sana eh."

Napangisi ito. 

"Bakit ka nandito?" Tanong ko.

"Pinuntahan talaga kita. Sa pagkakaalala ko kasi, dito ang klase mo kasi pinuntahan na kita dito dati." Sagot niya.

"Uhm, bakit?" Tanong ko.

"Gusto kong magusap tayo, Marie." He looked defeated.

"Para sa'n?" 

Yumuko ito. "Sorry sa nangyare kahapon. Hindi pa ako nakakahingi ng sorry sa'yo sa mga nangyare."

"You know it is not your fault, right?" I said.

"Pero ako ang dahilan."

"Hindi mo kasalanan at hindi mo iyon ginusto. Kalimutan na lang natin 'yon. I am also trying my best not to react on everything." I said.

Tumingin siya sakin.

"Naisip ko mga sinabi ni Tyrone at pinangaralan din ako ni Adi kagabi, telling me not to react much for the sake of the team. Everything is going great for us and I don't want to ruin it." Nahihiya ko ring sabi. Nahihiya ako sa sarili kong ka-patolahan.

"I trust you, Marie." Nakita kong nakangiti siya sa akin.

I nodded. "Likewise."

"Ahh.. also, kaya din ako nandito kasi sasabihan nga pala kita na may practice game mamaya. seniors laban sa freshmen. Tingin ko naman, kaya na nila lumaban sa seniors." Sabi nito.

Nanlaki mata ko. "Ay weh? 'Di nga?!" Napangiti ako. "Matutuwa mga bata ko niyan!"

"October ang simula ng Provincial Tournament, kaya tingin ko, kailangan na natin silang isabak sa mga practice games." Sabi niya.

"Ayos! Maglalaro ka?" Tanong ko.

"Hindi pa muna," sagot niya. "Kailangan ko din makita kung hanggang saan kaya ng seniors ng wala ako."

"I'm curious, though. Paano ka ba maglaro?" Tanong ko.

"Secret." Nakangiting sabi nito, pero yung ngiti niya, 'yung ngiting may advantage eh. "Hindi ako naglalaro agad kasi kailangan ng may magcocoach sa team, pero kapag naramdaman kong kailangan nila ako, du'n ako pumapasok."

"Eeh.." sabi ko. "Marie is curious." 

"Makikita mo naman akong maglaro sa tournament. Sa ngayon, gusto ko munang isikreto yon sayo."